Postimi në blog i vitit 2006 tregon pse Elon Musk është kaq i suksesshëm


Data 28 Korrik ishte një natë e rëndësishme për Elon Musk, Tesla dhe për të gjithë industrinë e automobilave. Në një festë që filloi në orën 20:45, kompania i dorëzoi çelësat 30 nga më shumë se 100.000 njerëz që kanë porositur modelin Tesla 3, makina e parë e përballueshme elektrike e kompanisë, me vlerë 35.000 $.

Musk njoftoi për herë të parë planin e tij për të ndërtuar një makinë elektrike të përballueshme në një postim në blog në vitin 2006. Në atë kohë, ai nuk ishte as CEO i Tesla. Ai e quajti postin e tij “Master plani sekret i Tesla Motors (vetëm mes jush dhe meje).”

Lexo: Një guidë brenda kompanisë Tesla – Ja si prodhohen makinat elektrike

“Dita ime e punës është e përqëndruar në një kompani transporti hapësinore të quajtur SpaceX, por në të njëjtën kohë jam edhe kryetari i Tesla Motors dhe ndihmoj në formulimin e strategjisë së biznesit dhe produktit me Martin Eberhard dhe pjesën tjetër të ekipit,”- shkruante ai në atë kohë.

Më poshtë ai ka përshkruar planin e tij madhështor:

“Siç e dini, produkti fillestar i Tesla Motors është një makinë sportive elektrike me performancë të lartë e quajtur Tesla Roadster. Megjithatë, disa lexues mund të mos jenë të vetëdijshëm për faktin që plani ynë afatgjatë është të ndërtojmë një gamë të gjerë modelesh, duke përfshirë makinat familjare me çmim të përballueshëm. Kjo për shkak se qëllimi kryesor i Tesla Motors (dhe arsyeja për të cilën po financoj kompaninë) është të ndihmojë përshpejtimin e lëvizjes nga një ekonomi hidrokarbure drejt një ekonomie elektrike, të cilën unë besoj se është primare, por jo zgjidhje ekskluzive, e qëndrueshme.”

Me këtë në mendje, ai paraqiti dy pyetje të dukshme: “A kemi ne me të vërtetë nevojë për një tjetër makinë sportive me performancë të lartë? A do të bëjë një ndryshim në emetimet globale të karbonit?”

Përgjigjet e pyetjeve, ai e pranon se ishin “Jo” dhe “Jo aq shumë”. Dihet që çdo teknologji e re marke ka një kosto të lartë. Por kjo ishte pjesë e planit master. Makina e ardhshme e Tesla do të ishte një “makinë sportive familjare me katër dyer me afërsisht gjysmën e çmimit prej 89.000$ të Tesla Roadster dhe modeli i tretë do të ishte edhe më i përballueshëm.”

Lexo: Modeli 3 i Tesla po sjell një nga ndryshimet më të mëdha të dizajnit në historinë e makinave

Në të vërtetë ai nuk pati plotësisht të drejtë për çmimet. Roadster u pasua nga modeli S me vlerë 57.400 $ dhe modeli X me vlerë 80.000 $. Megjithatë, 10 vjet më parë, ai e dinte saktësisht se ku do të shkonte dhe ai arriti këtu.

Gjithashtu, i rëndësishëm është fakti se Musk ishte gati të rrezikonte gjithçka për ta bërë vizionin e tij realitet. Në fund të vitit 2008, Musk shpenzoi të gjithë pasurinë e tij personale tek Tesla dhe SpaceX.

Shqetësimi i tij i vetëm në atë kohë ishte nëse do të ishte një strategji më e mirë të shpenzonte të gjithë pasurinë e tij vetëm tek njëra prej tyre, për t’i dhënë asaj shansin më të mirë për mbijetesë. Ruajtja e një pjese ose të gjithë pasurisë së tij për të shmangur ndonjë rrezik të mundshëm, duket sikur nuk ka kaluar nëpër mendjen e tij.

Tani le të flasim për ju

Pra, pyeteni veten: Çfarë ju intereson aq shumë sa do të vazhdonit të punonit drejt një vizioni të vetëm për më shumë se 10 vjet? Dhe çfarë ju intereson aq shumë sa që do të rrezikonit sigurinë tuaj financiare për ta mbajtur atë gjallë?

Lexo: 4 mënyra sesi të largoheni nga zona juaj e komfortit dhe të arrini të pamundurën

Nëse keni një përgjigje për këtë pyetje (nëse është një startup, një punë, një përpjekje krijuese apo diçka tjetër), atëherë duhet të përqendroheni në pasionin tuaj.

Synimet e reja të Musk përfshijnë tunele nën qytetet e mëdha ku mund të futen makinat, duke shmangur trafikun dhe ndërtimin e kolonisë së parë në Mars. Të dyja idetë janë pak të çmendura por me këmbënguljen dhe aftësinë e tij për të planifikuar të ardhmen, nuk do të vija bast kundër tij.

Po ju?

Burimi: inc.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale