Modeli 3 i Tesla po sjell një nga ndryshimet më të mëdha të dizajnit në historinë e makinave


Tesla ka lançuar ditën e djeshme në darkë, Modelin 3, automjetin e tij të parë për prodhim masiv.

Makina tërësisht elektrike me vlerë 35.000 $ është oferta e Tesla për të hyrë në tregun masiv dhe për të shitur qindra mijëra makina për klientët të cilët nuk kanë qenë në gjendje të përballojnë modelin e shtrenjtë Model S ose Model X SUV, pasi secila prej tyre kushton rreth 100.000 $.

Makina Tesla 3 do të përfshijë disa ndryshime të mëdha, duke filluar me një tipar të vjetër të makinave: grupin e instrumenteve.

Lexo: Risia e Tesla: Paralajmëron shoferin për një aksident para se të ndodhë

Shoferët janë mësuar të hyjnë në makinat moderne dhe të shohin dy matësa: një të shpejtësisë, e cila tregon shpejtësinë në km/h ose milje dhe një tahometër, i cili tregon sa shpejt po punon motorri.

Disa makina kanë prezantuar ekranet dixhitale dhe shpejtësitë dixhitale, të vendosura ose përpara shoferit ose diku afër. Audi ka mbajtur ekranin përpara shoferit, por e ka kthyer atë në një “kabinë virtuale” që mund të tregojë një sërë informacionesh të personalizuara.

Tesla në modelin e ri duket se e ka eliminuar grupin e instrumenteve dhe do të përdorë vetëm një ekran të madh me prekje për të kontrolluar shumicën e funksioneve të automjeteve dhe për të shfaqur të dhëna të tjera.

Tesla

Para prodhimit të modelit 3 kishte spekulime se Tesla do të zëvendësonte grupin e instrumenteve me një ekran heads-up, për të treguar të paktën shpejtësinë, por duket se kjo nuk ka ndodhur.

Lexo: Tesla gati për të zbuluar Model 3

Siç edhe vetë Musk ka vënë në dukje, Modeli 3 është projektuar për prodhim masiv, i cili, në shkallën që kompania parashikon të shes, pra miliona automjete në vit kërkon thjeshtësi proceduriale. Çdo gjë që mund të eliminohet është e mirë, madje edhe paneli i njohur i instrumenteve.

Burimi: businessinsider.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale