Tesla gati për të zbuluar Model 3

Tesla gati për të zbuluar Model 3


Tesla thotë se makina e tyre e parë për masën do të dali për herë të parë këtë të premte, 2 javë përpara nga sa ishte lajmëruar më parë.

Elon Musk, CEO i kompanisë u shpreh të dielën në Twitter se prodhimi mund të rritet, me 100 modele në Gusht, dhe me 1.500 ose më shumë Shtator. Ai tha se besonte se kompania do të ishte e aftë të prodhonte 20.000 në muaj duke filluar nga Dhjetori.

Model 3, është një test i rëndësishëm për Musk dhe për planet e tij për kompaninë, të cilën ai planifikon ta kthejë në një prodhues të makinave elektrike për masën. Deri më tani, kompania ka prodhuar vetëm makina luksoze në sasi relativisht të vogël, me çmime nga 90.000 dollarë e më sipër. Në vitin 2016, u prodhuan rreth 85.000 automjete.

Lexoni: Fundi i të qënit pronari i makinës tënde

Për të bërë një krahasim, General Motors, prodhoi më shumë se 9 milionë makina dhe kamionçina. Por Model 3 do të ketë një çmim rreth 35.000 USD, dhe do të jetë i përballueshëm nga shumë më tepër konsumatorë, dhe Musk beson se Tesla do të ketë një output prej rreth 500.000 makinash në vit në vitin 2018.

Në Qershor, ai u tha aksionerëve të kompanisë që prodhimi i Model 3 do të fillojë në Korrik në fabrikën pranë Fremont, Kaliforni, edhe pse ai nuk u shpreh se kur makina do të jetë e disponueshme në volume më të mëdha.

Ai tha se kompania është duke punuar për automatizimin e e linjës së prodhimit gjë e cila do të çojë në rritje të produktivitetit. Ai gjithashtu tha se po mendohet për ndërtimin e e linjave të reja të prodhimit. “Nuk ka më hapësirë në Fremont” – u shpreh ai.

Tesla së fundmi ka qënë në bisedime me zyrtarë Kinezë për hapjen e një linje të re pranë Shanghai-t. Kina, llogaritet të përbëjë origjinën e 15% të të ardhurave të kompanisë për vitin 2016.

Lexoni: Jaguar Land Rover krijon 5,000 vende të reja pune

Duke u parapërgatitur për prodhimin e Model 3, kompania një fabrikë pranë Nevada-s për 5 bilionë dollarë, për të prodhuar bateritë e makinave të saj.

Tesla gjithashtu nxorri në shitje një pjesë të aksioneve të saj ku gjigandi Kinez i internetit Tencent Holdings bleu 5% të aksioneve të kompanisë.

Por kompania vazhdon të ketë nevojë për kapital sepse ajo vazhdon të figurojë me humbje gjatë çdo 3-mujori. Kështu, në 3 muajt e parë të këtij viti, Tesla  rezultoi me një humbje prej 397 milionë dollarë, krahasuar me 282 milionë të të njëjtës periudhë të vitit paraardhës. Por të ardhurat e kompanisë u rritën dyfish me një vlerë prej 2.7 bilionë dollarë.

Optimizmi i investitorëve për Model 3 i ka rritur me 67% çmimin e aksioneve të kompanisë. Të premten aksionet u mbyllën me 361.61 dollarë. Kompania ka një vlerë tregu prej 59 bilion dollarë, 7 bilionë më shumë se General Motors dhe 15 bilionë më shumë se Ford.

burimi: StarTribune

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0