4 mënyra sesi të largoheni nga zona juaj e komfortit dhe të arrini të pamundurën


A e keni pyetur veten sesi disa njerëz arrijnë shkallën më të lartë të suksesit ndëra të tjerët ngecin në mediokritet gjatë gjithë jetës së tyre? Pse përfitojnë nivelin më të lartë të suksesit vetëm disa, ndërsa të tjerët, pavarësisht përpjekjeve të vazhdueshmme nuk e arrijnë? Të gjithë këta njerëz, të cilët ju i quani të suksesshëm kanë një gjë të përbashkët, ata kurrë nuk vendosin për asgjë më pak se sa më të mirën, edhe nëse kjo do të thotë që ata të lënë komfortin dhe jetën e mirë. Nëse ju doni të arrini të pamundurën, është thelbësore që së pari të hiqni dorë nga dashuria për rehatinë.

Pse zona e komfortit është gjë e keqe për ju?

Për shumicën e njerëzve, qëllimi i tyre final është arritja e një jetese të rehatshme. E gjithë puna dhe përpjekja e tyre është drejt një jetese të rehatshme dhe të lehtë.

Qëllimi i tyre është fitimi i parave të mjaftueshme në mënyrë që mos kenë pse të shqetësohen rreth nevojave të jetës. Nëse e shihni jetën tuaj pasi i keni përmbushur qëllimet do kuptoni se këto arritje të mëdha erdhën si rezultat i largimit nga zona juaj e rehatisë. Pjesa kur vendosët se mjaft është mjaft dhe u larguat nga kjo zonë është pikërisht momenti kur ju u rritët në karrierë apo në jetën tuaj personale.

Komforti është armiku i zhvillimit. Kjo ju bën të verbër për të kuptuar mundësitë, të cilat më pas do të shkojnë te ata që bëjnë shumicën e këtyre gjërave. Njerëzit, të cilët rehatohen me dorëzimin lejojnë që të humbasin shumë mundësi për të eksploruar të panjohurën.

Dështimi është një mendim i parehatshëm, por kjo në fakt është shkaku i suksesit. Deri sa ju nuk rrezikoni dështimin, ju nuk do të mund të përballoni të papriturat. Askush nuk dëshiron të mbetet i shqetësuar gjithmonë, por shpesh kemi nevojë për pak ankth për të na nxitur dhe për të përmirësuar performancën tonë.

Si të largoheni nga zona e komfortit?

Gjëja e vetme që do iu mbajë larg nga arritja e së pamundurës është afërsia juaj me vetë rehatinë. Duhet të largoheni dhe të thyeni monotoninë. Ka disa mënyra sesi të largoheni nga zona juaj e komfortit dhe të rriteni përtej kufijve të vetë-krijuar.

1. Shqyrtoni dhe rishikoni rutinën tuaj të përditshme

Gjëja e parë që duhet të ndryshoni është rutina juaj e përditshme, e cila duhet t’i përshtatet stilit tuaj të tanishëm të jetesës. Deri sa të bëni ndryshime në këtë rutinë, nuk do të jetë e lehtë të shtyni veten për t’u larguar nga zona juaj e rehatisë. Fillimisht, nuk ka nevojë të jetë një ndryshim i madh, edhe ndryshimet delikate mund të jenë të mjaftueshme për të nisur një ndryshim në perspektivën tuaj. Kur këto ndryshime të vogla të bëhen një zakon, ju lehtësisht mund të punoni për qëllime më të mëdha.

2. Ecni me hapa të vegjël drejt qëllimit tuaj

Ndoshta jeni të lodhur nga shefi juaj imponues dhe doni një punë të re diku tjetër, por jeni shumë dembel për ta provuar.

Ndoshta mendimi për një ambjent të ri, kolegë të rinj dhe një bos i ri ju bën të ndiheni në ankth.

Megjithatë, nëse doni vërtet të arrini qëllimin tuaj, ju duhet të filloni me hapa të vegjël për ta arritur atë. Kjo mund të jetë ose duke arritur tek njerëzit në rrjetet tuaja profesionale, duke u njohur me ta në forume të ndryshme publike, duke përmirësuar aftësitë tuaja të lidhura me punën ose rritja e aftësive komunikuese në mënyrë efektive. Të gjitha këto janë hapa të vegjël drejt arritjes së besimit të nevojshëm për të përballuar çdo situatë, çdo shef apo çdo koleg në vendin e punës tuaj të re.

3. Mos kini frikë nga dështimet

Cilido qoftë rezultati, duhet të shihni përpara. Armiku jonë më i madh është frika nga dështimi, e cila na mban brenda kufirit të krijuar nga vetë ne. Sidoqoftë, nëse doni të arrini diçka duhet të provoni dhe jo të kini frikë. Duke dalë jashtë zonës tuaj të rehatisë nuk do të thotë se do keni gjithmonë sukses, ka të bëjë më tepër me largimin e frikës tuaj nga dështimi, pavarësisht se cili mund të jetë rezultati.

4. Provoni gjëra të reja, takoni njerëz të rinj

Bërja e gjërave të reja hap mendjen për prespektiva të reja, të cilat mund të mos i merrnim në konsideratë më parë. Në mënyrë të ngjashme, takimi me njerëz të rinj zgjeron horizontin tonë dhe na fut në metoda të reja për të arritur të njëjtën gjë. Ndonjëherë ajo që e bën të gjithë dallimin nuk është fakti se çfarë ne bëjmë, por se si e bëjmë. Duke dëgjuar historitë e njerëzve të tjerë me siguri do të zvogëlojë ankthin lidhur me eksplorimin e së panjohurës dhe të sigurojë frymëzimin e kërkuar.

burimi: lifehack.org

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale