Mediat sociale u referohen platformave dhe mjeteve të ndryshme online që u mundësojnë individëve të krijojnë, ndajnë dhe shkëmbejnë informacione, ide dhe përmbajtje brenda komuniteteve dhe rrjeteve virtuale.
Përdorimi i mediave sociale është rritur në popullaritet dhe përhapje me kalimin e viteve, pasi ofron përparësi dhe mundësi të shumta për individët, ndërmarrjet, organizatat dhe shoqërinë.
Megjithatë sapo hapet një rrjet i ri, aq më shumë ngushtohet hapësira dhe rritet mundësia për shuarjen e një platforme ekzistuese.
MYSPACE
E themeluar në vitin 2003, ndërsa u mbyll në vitin 2011.
Pas muajit të parë në internet, mbi një milion njerëz u regjistruan në MySpace, ndërsa brenda 10 muajsh ky numër u rrit në 5 milionë.
Deri në vitin 2006, Myspace u vizitua më shumë herë sesa Google Search dhe Yahoo Mail!
MySpace ishte platforma sociale më e njohur në fillim të viteve 2000 me profilet e saj të personalizueshme dhe veçoritë e shpërndarjes së muzikës, por nuk arriti të konkurronte me Facebookun.
CLUBHOUSE
Platforma sociale Clubhouse u lançua në mars të vitit 2020.
Aplikacioni dikur viral Clubhouse mundëson dhoma bisede audio në mënyrë të drejtpërdrejtë dhe fitoi popullaritet gjatë pandemisë Covid-19.
Ajo humbi 60 përqind të audiencës së saj për shkak të pretendimeve se po mundësonte përmbajtje kontroverse dhe për shkak se platformat e tjera miratuan veçoritë e tyre.
Lexo edhe:Apple: Ja çfarë është e re tek iOS 17
TRUTH SOCIAL
Një tjetër platformë e cila kishte fatin e shkurt të suksesit ishte ajo e Truth Social e themeluar në shkurt të vitit 2022.
Ish-presidenti i ShBA-së Donald Trump lançoi Truth Social si një alternativë ndaj Twitterit, i cili i bëri ndalim në platformën e vet në janar 2021. Faqja e mediave sociale nuk arriti të rivalizojë Twitterin në madhësinë e audiencës dhe veçoritë e aplikacionit.
FRIENDSTER
Nisur në 2003, u mbyll në 2015.
Si faqja e parë e mediave sociale, Friendster lejoi anëtarët e saj të ngarkonin foto e video dhe të angazhoheshin me miqtë e tyre dhe fitoi më shumë se 2 milionë përdorues aktivë brenda një viti. Friendster humbi popullaritetin pas lançimit të aplikacioneve Facebook dhe MySpace.
GOOGLE PLUS
Google plus nganjëherë i shkruar si Google Plus, nganjëherë quhet G+ është një rrjet social i zhdukur që zotërohej dhe operohej nga Google deri në vitin 2019. Rrjeti u lançua më 28 qershor 2011, në një përpjekje për të sfiduar rrjetet e tjera sociale, duke lidhur produkte të tjera të Google si Google Drive, Blogger dhe YouTube.
Plus poashtu ishte përpjekja e gjigantit Google për rrjetet sociale, duke i lejuar përdoruesit të kategorizojnë miqtë e tyre në ‘qarqe’. Mirëpo në fund kjo platformë nuk arriti të ndërtonte audiencë dhe të sfidonte konkurrentët e saj.
VINE
Vine, në pronësi të aplikacionit Twitter i cili u lançua në vitin 2013 dhe u mbyll në vitin 2017, ishte një aplikacion për shpërndarjen e videove që i lejonte përdoruesit të krijonin dhe të shpërndanin video ciklike prej gjashtë sekondash.
Ndonëse ishte një pionier për videot e çastit, asaj i mungonin reklamat dhe rrjedhimisht fitimi i parave, kështu që nuk mundi të konkurronte me aplikacionin Instagram dhe konkurrentët e tjerë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
