Peter Thiel, bashkë-themelues i PayPal në mbështetje të startup-eve kineze - Business Magazine Albania

Peter Thiel, bashkë-themelues i PayPal në mbështetje të startup-eve kineze


Peter Thiel po konsideron strategjinë për të investuar në startup-et kineze.

Miliarderi konservator po peshon qasje të ndryshme për investime, duke përfshirë ngritjen e një fondi drejtpërsëdrejti ose nëpërmjet një partneriteti. Thiel ka bërë vizita të rregullta në Kinë për disa vite dhe ende nuk e ka kristalizuar planin e tij.

Lexoni: Çfarë mund të mësojnë sipërmarrësit nga këta 3 miliarderë?

Thiel, i cili ka një pasuri prej 3.3 miliardë dollarësh, mbikëqyr një rrjet firmash sipërmarrëse që janë përqendruar kryesisht në SHBA. Investimet e tij përfshijnë gjithçka që nga HQ Trivia deri tek data mining për ushtrinë përmes Palantir Technologies Inc dhe ndërtimin e raketave me Space Exploration Technologies Inc.

Interesi i Thiel në Kinë vjen mes tensioneve në rritje midis dy ekonomive më të mëdha në botë. Presidenti Donald Trump, që miliarderi ka mbështetur, ka njoftuar tarifat mbi 50 miliardë dollarë të prodhimeve kineze dhe po kërcënon të vendosë tarifa për një vlerë shtesë prej 200 miliardë dollarësh.

Nën administrimin e Trump, Shtetet e Bashkuara u kanë vështirësuar investitorëve kinezë që të marrin aksione në kompanitë amerikane. Megjithatë, kjo nuk i ka ndaluar firmat amerikane, përfshirë Sequoia Capital dhe Lightspeed Venture Partners, të mbështetin startup-et kineze.

Interesi i ri i Thiel në kompanitë kineze do të përfaqësonte atë që ai ka shprehur disa vjet më parë në librin e tij “Zero në një”, nocionin e inovacionit në Kinë.

“Mënyra më e lehtë që Kina të rritet është që të kopjojë atë që ka funksionuar tashmë në Perëndim. Dhe pikërisht kjo është ajo që po bën,” shkroi ai.

Kina ka prodhuar një numër të madh kompanish private me vlerë më shumë se një miliardë dollarë, si startues nga grupi i blerjeve Meituan-Dianping dhe agjenti i lajmeve Toutiao që futen në një treg masiv të konsumit të brendshëm dhe krijon risi të reja që nuk janë parë më parë në Perëndim.

Pesë vjet më parë, SHBA kishte 9 nga 20 kompanitë më të vlefshme të internetit dhe Kina kishte vetëm dy, sipas Mary Meeker, një partner i firmës sipërmarrëse Kleiner Perkins Caufield & Byers. Ndërsa tani ka 11 firma amerikane në atë listë, numri nga Kina është rritur në 9, tha Meeker në “Internet Trends Report 2018” në Maj.

Lexoni: Nga Sergej Brini tek Elon Musk: Pse emigrantët themelojnë kaq shumë biznese?

Thiel, një investitor i hershëm në Facebook Inc. dhe bashkë-themelues i PayPal Holdings Inc, ka përdorur pasurinë e tij personale për të mbështetur një sërë projektesh, duke përfshirë ndërtimin e qyteteve offshore dhe bindjen e studentëve për të braktisur shkollën dhe për të shfaqur shpirtin e tyre sipërmarrës. Thiel gjithashtu bashkë-themeloi firmat sipërmarrëse Founders Fund dhe Mithril Capital ndër të tjera.

Miliarderi është gjithashtu duke u larguar  nga San Francisko dhe po transferon fondet e tj pesonale Thiel Capital dhe Fondacionin Thiel në Los Anxheles, njoftoi Bloomberg në Shkurt. Miliarderi ka qenë kritik ndaj Silicon Valley duke e cilësuar atë si “mono-kulturor” dhe “toksik”.

/bloomberg

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0