Paul Papadimitriou, strategjisti dhe inovatori nga Londra në Spark.me - Business Magazine Albania

Paul Papadimitriou, strategjisti dhe inovatori nga Londra në Spark.me


Skuadra organizatore e Spark.me, një nga konferencat më të mëdha të marketingut/internetit në Europën Juglindore e cila do të mbahet më 28-29 Maj në Budva të Malit të Zi, sapo ka konfirmuar një spiker të ri në Spark.me- Paul Papadimitriou, inovator biznesi, strategjist dhe një spiker nga Londra.

Paul është themeluesi i Intelligencr, një firme globale për mbledhjen e informacioneve që ndihmon organizatat përqark globit në formulimin e strategjive inovative biznesi. Ai udhëton në të gjithë botën për të vëzhguar se çfarë do të thonë teknologjitë e reja për të ardhmen e të rinjve tanë, bizneseve, punës, kulturave dhe shoqërive- gjeopolitika e “përçarjes”.

Me këtë realitet të ri, Paul dizenjon inovacionin dhe strategjitë marketing të formësuara rreth një konsumatori “nomad“ dhe “fisnor“, dhe më së fundmi ka lançuar një ekosistem smartphone në Kinë dhe Europë. Më parë, ai ka punuar me Microsoft, eBay, Fujitsu, SABMiller, Canonical, EY, Criteo, Siemens, Tumblr, EU ose ITU (International Telecommunication Union). Paul këshillon startupet në të gjithë botën dhe prodhon podcast të shumëfishta: Layovers- mbi inovacionin për udhëtimet ajrore, The Digital Loop- mbi përçarjen dixhitale, Notional Capital- mbi startupet business-to-business (B2B).

Paul-Papadimitriou-strategjisti-dhe-inovatori-nga-Londra-në-Spark.me-businessmag

Puna dhe këndvështrimet e Paul mbi epokën ku jetojmë është shfaqur te The Economist, ABC, TF1 ose Japan Times. Si një spiker shumë i kërkuar, Paul inspiron audiencat në 5 kontinente, në evente madhore dhe në mbledhjet private në Fortune 500. I dalluar për aftësitë e tij organizuese, ai moderon evente të korporatave dhe industrive të një profili të lartë si LeWeb, një prej konferencave më të mëdha IT në Europë.

Spark.me 2016 do të mirëpresë disa prej personaliteteve më influencues të mediave online, drejtues lider të marketingut, dhe aktorë kyç në ekosistemin europian dhe global të startupeve. Veronica Belmont është një personalitet i medias online, një këshilluese e startupeve, spikere dhe krijuese e podcast-eve nga San Francisco, me më shumë se 1.7 milionë ndjekës në Twitter! Scott Morrison është ish-Drejtor i Marketingut për Diesel, Levi’s dhe Activision, ndërsa Sara Rosso është Drejtore e Marketingut në Automattic (provider i shërbimeve online si WordPress.com, Akismet, Gravatar dhe shumë të tjerë), dhe themeluese e Ditës Botërore të Nutella, tashmë një ditë pushimi e njohur zyrtarisht e zotëruar dhe menaxhuar nga marka Nutella.

Paul-Papadimitriou-strategjisti-dhe-inovatori-nga-Londra-në-Spark.me-businessmag

Më shumë se 400 njerëz nga 17 shtete janë rregjistruar tashmë për Spark.me. Çmimi i plotë i biletës është 250€, ose 70€ në rastin e një bilete studentore. Biletat mund të transferohen më pas te një person tjetër (“emri ndryshon”), por shuma nuk ripaguhet. Biletat e studentëve janë të disponueshme për personat që janë ende në vitet e studimit, të sapodiplomuarit dhe studentët e PhD deri në 27 vjeç, dhe për ata që do të diplomohen deri në janar 2016. Biletat e Spark.me janëtë vlefshme në faqen zyrtare të konferencës, në www.spark.me.

Spark.me është një nga konferencat më të rëndësishme të Internetit dhe Marketingut që mbahen në Europën Juglindore. Kjo konferencë do të mbahet në datat 28-29 Maj 2016, në Hotel Mediteran, Budva, Mal i Zi. Ky event është zhvilluar çdo vit që nga viti 2013, nga Domain.ME, një kompani private që merret me mbarëvajtjen e domain-it kombëtar malazez-.ME dhe e sponsorizuar nga Crnogorski Telekom (filial i Deutsche Telekom AG). Spark.me sjell historitë më të reja teknologjike, modele biznesi inovative, strategji për rritjen e kompanive teknologjike dhe liderë në botën e biznesit, sipërmarrjes, teknologjisë dhe startup-eve.

/Business Mag Albania

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0