Parku fotovoltaik në Karavasta. Fituese kompania franceze - Business Magazine Albania

Parku fotovoltaik në Karavasta. Fituese kompania franceze

Parku fotovoltaik

Kompania franceze Voltalia, është shpallur fituese e ankandit për ndërtimin e parkut fotovoltaik të Karavastasë me një fuqi të instaluar prej 140 MW, ndërsa çmimi i ofertuar për blerjen e energjisë është 24.89 euro/MW. Me këtë çmim, qeveria shqiptare është angazhuar të garantojë blerjen e energjisë elektrike për 15 vite për 70 MW. Gjysma tjetër e prodhimit do të mund të tregtohet nga kompania në treg të lirë.

Kryeministri Rama tha gjatë prezantimit se, ky park fotovoltaik do jetë më i madhi në rajon. “Më vjen mirë që ne jemi në gjendje që të shikojmë konkretisht finalizimin e një përpjekje të madhe për të hapur një faqe të re në historinë e sistemit energjetik, duke përfshirë një volum të rëndësishëm, i pari i kësaj natyre, energjisë diellore në sistem dhe një investim të huaj mbi 100 milionë euro. Çmimi është fantastik, jashtë çdo parashikimi”.

Lexo: Shqipëria përballë zhvillimit të vonuar të tregut fotovoltaik 

Kompania parashikon të investojë mbi 100 milionë euro, përkundrejt një kontrate 30-vjeçare.

Në ceremoninë e shpalljes së fituesit kryeministri Edi Rama foli për HEC-in e Skavicës. Ai tha se HEC-i do të ndërtohet, me një investim tërësisht publik, pra nga buxheti i shtetit.

Në garë u vlerësuan ofertat e 5 kompanive. Gara për ndërtimin e impiantit fotovoltaik të Karavastasë u hap në fillim të këtij viti.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0