Ministrat e qeverisë në Izrael kanë akuzuar Facebook se ka dështuar në trajtimin e postimeve të “nxitjes së urrejtjes” kundër vendit në rrjetin social.
Ministri i Sigurisë publike Gilad Erdan tha se Facebook kishte vendosur “një limit shumë të lartë për të fshirë nxitjet e urrejtjes”.
Ministri i Drejtësisë Ayelet Shaked kërkon që kompanitë e mediave sociale të parandalojnë përmbajtjet me urrejtje, të cilën Izraeli e konsideron si një kërcënim të sigurisë.
Facebook tha se ka punuar ngushtë me Izraelin për të trajtuar përmbajtje kërcënuese.
Shaked është ankuar se përmbajtja e rrezikshme duhet të raportohet në mënyrë manuale nga përdoruesit e internetit para se të merret ndonjë veprim.
“Ne duam që kompanitë … të heqin postimet e bëra nga grupet terroriste dhe nxitjes së terrorizmit, pa pasur nevojë të etiketojnë ‘flag’ çdo postim, vetëm në të njëjtën mënyrë, për shembull, se ata sot nuk lejojnë postimet dhe faqet me pornografi të fëmijëve” i tha ajo Radios së Ushtrisë izraelite.
Në një deklaratë, Facebook ka thënë: “Ne kemi një grup të standardeve të komunitetit të dizajnuara për të ndihmuar njerëzit të kuptojnë se çfarë është e lejuar në Facebook.”
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
