Ndërron jetë ish CEO i FCA Group, Sergio Marchionne


Sergio Marchionne, ish CEO i Fiat Chrysler Automotive, një nga drejtuesit më të respektuar të industrisë, ka ndërruar jetë pas komplikimeve të operacionit të kryer së fundi.

Familja, e cila kontrollon kompaninë konfirmoi lajmin pa thënë shkakun e saktë dhe pa dhënë informacione se kur ndodhi.

Sergio Marchionne, 66 vjeç, ndërroi jetë pasi ra në koma pas operacionit në sup në një spital të Zyrih-ut.

Ai u zëvendësua si CEO i FCA fundjavën e shkuar pas përkeqësimit të gjendjes së tij.

“Për fat të keq, ajo çka ne iu frikësuam më shumë, ndodhi. Sergio Marchionne, ka ndërruar jetë.” – u shpreh John Elkann pasardhës i familjes Agnelli në një deklaratë.

Marchionne shpëtoi Fiat dhe Chrysler nga falimentimi pasi mori drejtimin e Fiat në vitin 2004. Ai e rriti vlerën e kompanisë me 11 herë gjatë 14 viteve në drejtim. Sipas planeve, ai do të linte detyrën nga kompania në Prill 2019.

“Mënyra më e mirë për nderuar kujtimin e tij është të ndërtojmë atë çkana trashëgoi. Të vazhdojmë të zhvillojmë vlerat humane të përgjegjësisë dhe sinqeritetit. Sergio Marchionne ishte një fanatik i tyre.” – shtoi Elkann.

Të shtunën e kaluar, FCA emëroi drejtorin e Jeep, Mike Manley, si CEO të grupit të 7 më të madh në botë të makinave. Kompania tha se 54 vjeçari do të zbatojë një plan afatmesëm që Marchionne prezantoi në muajin Qershor.

sergio marchionne

FCA u shpreh se Manley do të garantojë një të ardhme “të fortë dhe të pavarur” për grupin.

Të shtunën Marchionne u zëvendësua edhe në postin e CEO të Ferrari nga Louis Camilleri, ish CEO i Philip Morris International.

Ai ishte një CEO dhe një pasionant i industrisë që i përkiste. Ai ishte besnik i ideve të veta dhe nuk pranoi të bashkohej me rrymën. Ndërkohë që konkurentët ndërtonin makina elektrike apo të zakonshme, ai e bëri Fiat 500 ikonën e dekadës së 2 të shekullit të 21, Dodge Challenger t’i ruante traditën dhe personalitetin. Të “ringjallte” Alfa Romeo, dhe Ferrari, t’a mbante ende një nga kompanitë më unike.

Shpresojmë që ndonëse jo më pranë kompanisë, FCA, të vazhdojë të jetë e pa lëkundur ndaj trendeve të rrezikshme të kohës…derisa, tregu ta lejojë këtë.

Burimi: Reuters

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale