Muzeu “Besa” do të mbajë firmën e studios zvicerane, “Oppenheim Architecture”

Muzeu “Besa” do të mbajë firmën e studios zvicerane,  “Oppenheim Architecture”. Lajmi u shpall nga ministrja e kluturës Elva Margariti pas prezantimit të pesë projekteve të hënën në një konkurs ndërkombëtar në Tiranë.

“Mënyra e fuqishme se si komunikon mesazhin dhe tregon historinë e Besës, i jep asaj një identitet dhe frymëzon vizitorët që të përqafojnë vlerat e saj; ndërhyrja minimaliste arkitekturore, që nxjerr në pah vlerat e ndërtesës si pjesë e trashëgimisë, e trajtuar me respekt dhe ndjeshmëri, koncepti i zhvilluar mirë si muze dhe qendër #kulturore; harmonia e funksioneve me kontekstin përreth, e shpallën fituese mes 5 finalistëve studion , “Oppenheim Architecture” citohet të ketë thënë zonja Margariti.

Më parë kryeministri shqiptar Edi Rama ishte shprehur se Muzeu “Besa”, një hapësirë e munguar e një vlere të madhe të shqiptarisë, ku historia e lavdishme e shpëtimit të hebrejve gjatë Luftës së Dytë Botërore, do të jetë graviteti rreth të cilit kjo hapësirë do të marrë jetë përmes temave të bashkëjetesës, tolerancës, paqes, duke u bërë pikëtakim historish, kulturash, opinionesh e dialogu mes të ndryshmëve.

Mbrojtja e hebrenjve nga shqiptarët ka qenë një nga momentet më simbolike të Shqipërisë në vitet e Luftës së Dytë Botërore.  Muzeu i “Besës” është i lidhur shpirtërisht me Muzeun Hebraik në Vlorë. Ndërtimi i tij përbën një sfidë pasi nga njëra anë bëhet fjalë për restaurimin e muzealizimin e një godine historike në zemër të Tiranës, por njëkohësisht duhet të flasë me zërin e kohës.