Dhe meqë jemi në sezon diplomimesh, BusinessMag ju vjen në ndihmë me atë që njihet si fjalimi më i mirë i të gjitha kohërave.
Këto janë 5 teknikat që Steve Jobs përdori për ta bërë lançimin e iPhone, magjik dhe të paharrueshëm:
1. Hyrja
Një histori e mirë ndërtohet nga 3 pjesë: hyrja, konflikti dhe zgjidhja.
Hyrja është çelësi. Ajo na njeh me personazhet dhe kushtet për ta çuar veprimin më tej.
Në prezantimin e iPhone në vitin 2007, Jobs ndërtoi një rrëfim përpara se të përmendte produktin e ri.
“Kjo është dita e madhe që kam pritur për më shumë se dy vite,” filloi Jobs.
“Herë pas here, vjen një produkt revolucionar që ndryshon gjithçka… Apple ka qenë shumë me fat. Ajo ka arritur t’i prezantojë botës disa prej tyre. Në vitin 1984 ne prezantuam Macintosh. I cili jo vetëm që ndryshoi kompaninë Apple, por ndryshoi të gjithë industrinë e kompjuterave. Në vitin 2001, ne prezantuam iPod-in e parë. Ai nuk ndryshoi vetëm mënyrën sesi ne dëgjojmë muzikë, por ndryshoi të gjithë industrinë e muzikës. Epo sot, ne po prezantojmë 3 produkte revolucionare të këtij lloji.”
Hyrja nuk duhet të jetë shumë e gjatë. Ky paragraf mori vetëm 2 minuta nga prezantimi në tërësi.
Lexoni: 5 mënyra për ta bërë prezantimin tuaj të ardhshëm të përsosur
2. Surpriza
Truri kërkon risi. Ai mërzitet shpejt dhe kërkon diçka surprizuese e të re. Jobs njihej për shtesat në fund të fjalimeve të tij.
Në prezantimin e iPhone 2007, ai e vendosi kthesën në fillim.
Fragmenti në vijim është pjesa më e ndjekur dhe më e paharrueshme e prezantimit të iPhone:
“Sot, ne po prezantojmë tre produkte revolucionare. I pari është një iPod me ekran të gjerë dhe prekje. I dyti është një telefon revolucionar. Dhe i treti është një paisje komunikimi me internet. Pra, tre gjëra: një iPod me ekran të gjerë dhe prekje, një telefon revolucionar dhe një paisje komunikimi me internet. Një iPod, një telefon dhe paisje interneti. Një iPod, një telefon… po e kuptoni? Këto nuk janë tre paisje të veçanta. Është vetëm një, të cilën ne e quajmë… iPhone.”
3. Titulli
Jobs asnjëherë nuk e prezantonte një produkt pa një fjali të shkurtër, përmbledhëse që e përshkruante mirë produktin. Një titull pikant që ju shtyn të lexoni historinë.
“Sot Apple do të rikrijojë telefonin,” tha Jobs.
Ky është titulli. Është e thjesht të dallohet titulli sepse është një fjali që përsëritet pesë herë gjatë prezantimit.
Lexoni: Mjeshtëria e shitjes (10): Pesë pikat e prezantimit të produktit
4. Personazhi negativ
Çdo histori ka një keqbërës apo një konflikt i cili kërkon një zgjidhje. Gjatë prezantimit të iPhone, Steve Jobs tregoi disa smartphone konkurrues duke përmendur pikat e tyre të dobëta.
“Problemi është se ata nuk janë inteligjent dhe nuk janë të lehtë në përdorim. Ajo që ne duam të bjëmë është një produkt me “super fuqi” që është më i zgjuar se çdo telefon tjetër dhe super i lehtë në përdorim,” tha Jobs.
Në këtë mënyrë, Jobs i la mbrapa në garë të gjithë konkurrentët duke i bërë ata personazhe negative të rrëfimit.
Klientit nuk i intereson produkti apo idea nëse ajo nuk zgjidh dot një problem real. Prandaj Jobs kurrë nuk paraqiti një produkt të ri pa përshkruar fillimisht konfliktin; problemin që ai mund të zgjidh.
5. Humori
Jobs njihej gjithashtu për sensin e humorit që përdorte në skenë. Ai dinte ta menaxhonte situatën edhe nëse ndodhte ndonjë difekt teknik duke treguar histori gazmore nga jeta e tij.
Një strategji kjo për të tërhequr audiencën duke e bërë prezantimin më interesant.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
