Mjeshtëria e shitjes (10): Pesë pikat e prezantimit të produktit


Gjatë këtij procesi ju duhet të lini përshtypje të mirë. E, për të realizuar një shitje me sukses, iu rekomandoj këto pika të prezantimit:

1. Përgatituni

Bëhuni gati të ballafaqoheni me sfidat në prezantim – të produktit ose të shërbimit tuaj – tek klienti. Kjo nënkupton që ju duhet ta njihni produktin tuaj në detaje; ta njihni industrinë në të cilën punoni dhe ta dini se çfarë ofron konkurrenca juaj (dhe çfarë thotë konkurrenca për produktin tuaj).

2. Besoni

Besoni në produktin/shërbimin tuaj. Pa dyshim, ky është komponenti më kritik i çdo prezantimi. Kur diskutoni për zgjidhjet që i ofroni klientit, a jeni energjik? A tregon zëri juaj qartësi dhe entuziazëm gjatë prezantimit? A e tregon gjuha juaj e trupit entuziazmin? Nëse jo, duhet ta ndryshoni qasjen. Tek e fundit, nëse nuk jeni të pasionuar me produktin tuaj, si mund të prisni që klienti juaj të jetë i motivuar për ta blerë?

prezantimit

3. Ushtrohuni

Të dish “çfarë duhet bërë” dhe ta “bësh” (veprosh) janë dy gjëra të ndryshme. Atletët, muzikantët dhe profesionalistët e tjerë ushtrohen për përformancën e tyre. Këtë gjë duhet ta bëni edhe ju. Mbi të gjitha, të ardhurat tuaja varen nga aftësia juaj për ta ndihmuar blerësin – për ta parë si vlerë atë që ju i ofroni. Ushtrohuni me partnerin tuaj dhe merrni një reagim (vlerësim). Nëse nuk keni partner, atëherë ushtrohuni para pasqyrës (xhirojeni veten duke e bërë prezantimin e plotë).

4. Zbatoni

Kjo ka rëndësi të veçantë kur jeni i/e ri/re në shitje, ose kur nuk keni bërë prezantim për një kohë të gjatë. Ushtrimi është i domosdoshëm dhe shumë i rëndësishëm, mirëpo kjo është baraz me zero nëse nuk ballafaqoheni drejtpërdrejtë me klientin tuaj. Vetëm kështu do të merrni përvojë reale.

5. Përsosmëria

Mjeshtri i shitjes kurrë nuk ndalet së mësuari – nga përvoja e tij dhe nga përvojat e të tjerëve. Ai vazhdimisht është në kërkim të detajeve dhe korigjimit të vetes që të ketë përvojë më të mirë me blerësin dhe të arrijë rezultate më të mira.

Për sukses në shitje nuk keni nevojë për ndonjë dhunti të veçantë hyjnore. Ju keni talent, por ajo çfarë duhet të bëni është të përparoni me përkushtim, me disiplinë dhe me vetëbesim.

Për më tepër informacione, pyetje, për trajnime individuale ose të dedikuara për kompaninë tuaj, mund të kontaktoni në adresat e mëposhtme:
Email: denis.gafuri@smardonline.com
Twitter: @DenisGafuri
LinkedIn: https://www.linkedin.com/in/denis-gafuri-1a174334
Facebook: https://www.facebook.com/denis.gafuri

burimi: Telegrafi

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale