Me funksionalitetin e ri Google dëshiron t'ju ndihmojë të gjeni një punë - Business Magazine Albania

Me funksionalitetin e ri Google dëshiron t’ju ndihmojë të gjeni një punë


Google po shton një funksionalitet të ri për të ndihmuar përdoruesit e tij të gjejnë punë.

I quajtur “Google for Jobs”, ai shton listat e punës në faqen e rezultateve të kërkimit të Google, në mënyrë që përdoruesit të mos kenë nevojë të largohen nga faqja për t’i parë ato. Kjo e bërë në partneritet me LinkedIn dhe Facebook (“FB”), është pjesë e përpjekjes më të gjerë të kompanisë për të bërë kërkimin e saj më të personalizuar dhe të dobishëm.

Për shembull, dikush që jeton pranë Pittsburg-ut dhe kërkon një punë si mësues mund të shohë vetëm vendet e punës në shkollat lokale. Punëkërkuesit kanë mundësi të bëjnë filtrime për punë të rregullt apo me kohë të pjesshme, mund të bëjnë filtrime me titujt e vendeve të punës dhe me kohën kur janë shënuar punët. Google gjithashtu do t’u tregojë përdoruesve kohën e ndërrimit të punës së tyre potenciale.

Google for Jobs (“GOOG”) mund të duket sikur do të konkurrojë me bordet ekzistuese të punës, tha CEO i Google Sundar Pichai, i cili njoftoi funksionalitetin në konferencën e zhvilluesve të I/O të Google të kompanisë, por në fakt, Google ka punuar me bordet e punës për të krijuar shërbimin, tha ai. Kur përdoruesit klikojnë në listë, ata futen në faqen që i përkasin ato. Google gjithashtu ka bërë parnteritet me CareerBuilder, Glassdoor, Monster dhe ZipRecruiter për të renditur vendet e punës.

Teknologjia e Google është në gjendje të analizojë përmes miliona listave për të ofruar rezultate më të personalizuara për punëkërkuesit dhe të përputhen punët e duhura me kandidatët e duhur, tha Pichai. Ky funksionalitet do të shtrihet në SHBA në javët e ardhshme.

burimi: fortune

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0