Lufta në Ukrainë/ Një tjetër institucion ndërkombëtar parashikon me ulje ekonominë në vend - Business Magazine Albania

Lufta në Ukrainë/ Një tjetër institucion ndërkombëtar parashikon me ulje ekonominë në vend

Lufta Ukrainë-Rusi ka shtuar rreziqet edhe për ekonominë shqiptare dhe do të frenojë ritmet e rritjes së saj. Së fundi Banka Botërore ka zhvlerësuar projeksionet për një rritje ekonomike në 3.2% nga 3.8% që kishte parashikuar në fillim të këtij viti, duke iu afruar pritshmërive të institucioneve të tjera vendase e të huaja.

Edhe Banka Europiane për Rindërtim dhe Zhvillim shkon në të njëjtën linjë me po këtë projeksion, ndërsa vetë qeveria shqiptare është më optimiste dhe pret që ekonomia të zgjerohet nga 3.2 deri në 3.5%. Më konservatore është banka qendrore, sipas të cilës në skearin më negativ rritja ekonomike nuk kalon 3%.

Në raportin e pranverës, Banka Botërore  evidenton se përshkallëzimi i luftës do të rrisë më tej çmimet e energjisë dhe mallrave ushqimore që pritet të mbajnë inflacionin në nivelin 5%. Fuqia blerëse do të tkurret ndjeshëm sipas saj, ndërsa rrezik shtesë për ekonominë janë edhe variantet e reja Covid-19.

Lexo edhe: Kriza e çmimeve do të “godasë” rritjen ekonomike. Institucioni ndërkombëtar bën parashikimin për Shqipërinë

Në kushte të tilla, kur edhe buxheti gjendet në vështirësi pas goditjeve të njëpasnjëshme, institucioni financiar ndërkombëtar thekson se qeveria mund të shkurtojë shpenzimet për të parandaluar një rritje të borxhit publik, por shton se kriza e energjisë do të kërkojë fonde shtesë për të garantuar furnizimin me energji dhe për të mbështetur shtresat në nevojë.

Edhe në këtë raport, banka bën apel për kujdes me nivelin e borxhit publik, teksa evidenton si prioritet bazë nevojën për të mbledhur sa më shumë të ardhura përmes strategjisë afatmesme që qeveria po ndërmerr me asistencën e Fondit Monetar Ndërkombëtar. Edhe pse, efektet e saj mund të kërkojnë kohë, në kushtet kur Financat kanë lajmëruar se do të shtyjnë konsultimin e ndryshimeve të reja të taksave deri në kapërcimin e krizës së çmimeve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0