Kush bën para në industrinë e startup-eve? - Business Magazine Albania

Kush bën para në industrinë e startup-eve?


Bashkimi Europian derdh miliona euro në inovacion, qeveritë po hedhin para për startupet dhe VC-të. Por kush aktualisht bën para në industrinë e startup-ve, veçanërisht në Europën Qendrore dhe Lindore?

Startup-et?

Jo në të vërtetë. Ata përpiqen të ndërtojnë produktet e tyre në mënyrë të shpejtë dhe me kosto sa më të ulët të jetë e mundur. Ata shpesh luftojnë me pagat për themeluesit, përpiqen të sajojnë marketingun dhe në përgjithësi janë trokë gjatë gjithë kohës. Kjo është e bukura e kompanive në fazat e hershme. Ata llogarisin çdo qindarkë të shpenzuar për gjithçka për të mos shpenzuar para për gjëra të panevojshme.

Organizatorët e eventit?

Për aq sa jam e informuar në lidhje me këtë, pothuajse të gjithë organizatorët luftojnë me sponsorizimet për eventet startup. Mbulimi i shpenzimeve të udhëtimit dhe strehimi për folësit shpesh është një sfidë. Shumica e eventeve të vogla dhe të mesme në industrinë e startup-eve organizohen nga vullnetarë, kështu që ata nuk paguhen për punën e tyre. Disa nga konferencat më të mëdha arrijnë të zhvillojnë një model biznesi që lejon punësimin e një ekipi bazë, në mënyrë që ata të mos angazhohen me kohë të pjesshme, por këto janë përjashtime.

Lexoni: 5 strategji marketingu për çdo startup

Ndoshta akseleratorët?

Ata gjithashtu duket se veprojnë në buxhete shumë të ulëta. Madje edhe ata që ofrojnë financim për sipërmarrësit punësojnë persona që punojnë për pasion që me të vërtetë kanë një mision për të bërë diçka të mrekullueshme. Ata definitivisht nuk bëjnë para pasi që nga 113 akseleratorë të hulumtuar ka pasur 33 dalje të raportuara. Edhe akseleratorët më të njohur në Europë nuk mund të mburren për të ardhura të konsiderueshme.

Investitorët?

Investitorët janë ata që duhen më shumë. Zakonisht duket se kanë disa para Ata dinë diçka rreth sipërmarrjes dhe mësojnë startup-et se si të mos dështojnë. Ata investojnë, por çdokush që kërkon një sponsorizim për Startup Weekend ose ndonjë event tjetër të drejtuar nga komuniteti, e di se sa pak kontribut në buxhet vjen nga investitorët. Sigurisht që ata duhet të paguajnë ekipet e tyre dhe të mbulojnë shpenzimet e para të nevojshme, por sponsorizimi i disa veprimtarive të komunitetit do të ishte mirë. Sidoqoftë, marketingu dhe sponsorizimi duket se nuk përfshihen në buxhetet vjetore të VC-ve të EQL.

Mentorët dhe konsulentët?

Jo. Ata zakonisht fitojnë para për diçka krejtësisht të ndryshme dhe bëjnë mentorime falas ose për aksione. Programet e pakta të mentorimit të bashkëfinancuara nga BE kanë një buxhet të limituar për mentorët. Megjithatë, zakonisht ky buxhet është më shumë si para xhepi sesa një kontribut i rëndësishëm në buxhetin vjetor të një mentori. Konsulentët në anën tjetër duket se mundohet të mbështetin startup-et, por kjo është zakonisht para se të kuptojnë se asnjë startup nuk do të paguajë për konsultime.

Pra, kush në fakt bën para të vërteta në industrinë e startup-it? Unë nuk kam asnjë ide, por ne duhet të ndalojmë të pretendojmë se është tregu ku secili duhet të marrë gjithçka falas sepse “përkrah startup-et”. Kjo nuk është një festë bamirësie, por biznes. Ose të paktën kështu duhet të jetë.

burimi: 150sec.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0