Kjo punë ka kërkesë të lartë dhe paratë e tregojnë këtë. Sipas Indeed, postimet e punës për Inxhinierët DevOps u rritën me 91% ndërmjet vitit 2014 – 2017. Madje dhe paga mesatare arrin në 125,714$ për të njëjtat data.
Lexoni: 50 vendet më të mira të punës sipas LinkedIn
Sipas raportit të LinkedIn, inxhinierët DevOps janë gjithashtu vendet më të kërkuara në fushën e inxhinierisë, të ndjekur nga inxhinierët frontend dhe arkitektët cloud.
Pra, çfarë bën një inxhinier DevOps?
Termi “DevOps” është një ndërthurje e “Zhvillimit” dhe “Operacioneve”, dy role që janë jetësore për fushën e inxhinierisë softuerike. Shkurtimisht, termi i referohet mjeteve dhe praktikave që ndihmojnë inxhinierët të dorëzojnë dhe rregullojnë kodin më shpejt, shpesh herë shumë herë në ditë – një praktikë e paregjistruar nga Facebook dhe grupi i saj.
Më përpara, ekipet zhvilluese do të ndërtonin dhe testonin kodin, ndërsa ekipet operacionale do të vinin në funksionim dhe monitoronin kodin. Një inxhinier DevOps i bën të dyja dhe në përgjithësi mbart përgjegjësinë përfundimtare të zhvillimit, testimit, vënien në funksionim të kodit, monitorimit dhe përmirësimit të kodit.
Titulli relativisht i ri mund të jetë disi i paqartë dhe përgjegjësitë e pozicionit mund të ndryshojnë në kompani të ndryshme.
Në të vërtetë, inxhinierët argumentojnë se “DevOps” është më shumë një kulturë dhe mendim, në vend se një punë e vetme. Përgjegjësitë e një inxhinieri DevOps mund të përputhen me tipet e tjerë të inxhinierëve. Dhe si inxhinierët e tjerë të software, inxhinierët DevOps duhet të bashkëpunojnë me ekipin e tyre për të shkruar dhe ristrukturuar kodin.
Inxhinierët DevOps duhet të sigurojnë që softueri të funksionojë nëpër platforma të ndryshme, si dhe shpesh të testojnë dhe vendosin në punë kodin e tyre.
Lexoni: Ervis Trupja, shqiptari që i bashkohet ekipit të LinkedIn
Për t’u bërë një inxhinier DevOps, duhet të jeni në gjendje të përdorni teknologjitë me kod të hapur dhe mjetet e automatizimit, si dhe të keni aftësi të forta në testim dhe kodimin. Aftësi të tjera janë gjithashtu vendimtare, pasi filozofia DevOps kërkon më shumë bashkëpunim midis zhvilluesve dhe operacioneve.
Megjithatë, vetë koncepti i DevOps është bërë një tematikë mjaft e përhapur në Silicon Valley: Investitorët po vënë shumë para në startup-et DevOps që ndihmojnë ekipet e tyre të përfitojnë nga kjo qasje. Në këtë vrull, nuk është për t’u habitur që kompanitë po punësojnë edhe për talente DevOps.
Sa për pjesën tjetër: Inxhinierët Frontend ndërtojnë ndërfaqen e përdoruesve dhe aplikacioneve, e cila është një pjesë e rëndësishme e çdo ekipi software. Enterprise account executives menaxhojnë marrëdhëniet e biznesit me klientët e mëdhenj të një kompanie, e cila flet për rëndësinë e funksionit të shitjes.
burimi: BI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
