Keni “ngecur” në avion? Ja çfarë librash duhet të lexojnë sipërmarrësit


*Nga Fred Shilmover, CEO dhe bashkëthemelues i InsightSquared.

Si shumë sipërmarrës, unë shpenzoj një kohë jo të vogël të jetës sime duke udhëtuar. Edhe pse nuk e shijoj perëndimin e kuqerremtë nga San Francisco në Boston, kohën që kaloj në avion e vlerësoj për faktin se mund të lexoj pa më ndërprerë askush. Të lexoj më lejon të kaloj nga mënyra e zakonshme e drejtimit të biznesit në atë të menduarit rreth biznesin tim, dhe ky ndryshim i vogël në perspektivë mund të jetë jashtëzakonisht ndihmues.

Në qoftë se po ndërtoni një startup, këtu janë gjashtë libra që duhet të konsideroni herën tjetër kur të mbyllen dyert e avionit! Ato më kanë ndihmuar të planifikoj, të punësoj dhe të drejtoj më me efikasitet.

1. “Dilema e Novatorit” (The Innovator’s Dilemma) nga Clayton M. Christensen

innovators-dillemma-dilema e inovatorëve-businessmag

Christensen jep detaje se si mund të dështojnë kompanitë e vogla, edhe kur duken që po e realizojnë çdo gjë mirë. Për shembull, kompanitë e matura, janë më shumë të tërhequra nga tregu në kërkim të marrëveshjeve që do t’u sjellin më shumë përfitime. Kur nisa biznesin tim InsightSquared, ne e bazuam modelin tonë në teorinë e inovacionit përçarës të Christensen duke i dizenjuar softueret tonë të analizave të shitjeve për kompani më të vogla. Në fakt, ne e nisim çdo mbledhjeje të kompanisë sonë me shprehjen e Drake “Started from the bottom” (E nisëm nga hiçi) si një kujtesë për të mbajtur fokusin tonë te audienca, e cila qëndronte jashtë vëmendjes së inteligjencës marketing.

2. “Të kalosh humnerën” (Crossing the Chasm) nga Geoffrey Moore

të kalosh humnerën-crossing-the-chasm-businessmag

Në çdo stad të procesit të adaptimit të produktit, blerësit kanë një set karakteristikash të veçanta. Për shembull, ‘adaptuesit e hershëm’ vlerësojnë që të jenë të parët që të arrijnë të produkti, ndërsa segmenti që i ndjek ata, ‘maxhoranca e hershme’ shtyhen drejt një mentaliteti më largpamës. Liderat të cilët nuk i kushtojnë vëmendje evoluimit të nevojave konsumatore, ndërsa tregu “maturohet”, rrezikojnë të përfundojnë në humnerë. Ky libër ju ndihmon të monitoroni se në cilën fazë të procesit të adaptimit ndodhen blerësit tuaj dhe t’ia përshtasni produktin dhe strategjinë e marketingut në mënyrë korrekte.

3. “Lidership dhe Mashtrim i vetes” (Leadership and Self Deception ) nga Instituti Arbinger

leadership-and-self-depiction-libra për sipërmarrës-businessmag

Ky është një libër shumë tërhqës që analizon tendencën e njerëzve për t’i parë të tjerët më shumë si një objekt se sa si qënie njerëzore. Në mënyrë interesante, nuk janë vetëm njerëzit që trajtohen keq ata që ndikohen negativisht. Edhe ata që i shikojnë të tjerët në këtë mënyrë, dështojnë të arrijnë potencialin e tyre të plotë, për shkak të tendencës së “vetë-shërbimit” që kanë, e cila ndërhyn në dinamikën e një skuadre të “shëndetshme”, në këtë mënyrë limitohet impakti pozitiv që mund të kenë ata mbi organizatën.

4. “Gjërat e vështira rreth Gjërave të vështira” (Hard Things about Hard things) nga Ben Horowitz

gjërat e vështira-the-hard-thing-about-hard-things-libër-businessmag

Horowitz ndan këshillat e tij për drejtimin e një startupi dhe ofron zgjidhje praktike për problemet e botës reale që shkollat e biznesit nuk i mbulojnë dot. Ai inkurajon sipërmarrësit që të përqafojnë sfidat e tyre, edhe pas dështimeve që pësojnë, të shpërndajnë shpejt lajmet e këqija të kompanisë dhe të komunikojnë gjithmonë me skuadrën e tyre.

Si një sipërmarrës, kam qenë i magjepsur nga ky libër. Ka qenë një eksperiencë shumë e thellë të lexoje një libër të tillë. Një nga pjesët e mia të preferuara është kur Horowitz diskuton mbi atë se si gati çdo kompani kapërcen momente kërcënuese. Madje ka edhe një akronim (fjalë pa kuptim) për të: WFIO (“We’re fucked, It’s Over.”)

5. “Manifesti i listës së gjërave për t’u bërë” (The Checklist Manifesto) nga Atul Gawande

manifesti i Checklist-sipërmarrje-businessmag

Sipas Gawande, shumica e gabimeve nddhin si rezultat i marrëzive dhe jo prej mosdijes. Por duke i ndarë detyrat komplekse të listës, që përshkruajnë çdo hap, në njëfarë mënyre parandalon këto gabime.
Secili mund të përfitojë nga kujtesat bazike. Për shembull, skuadra e shitjeve “ka dhënë informacion të ri pas çdo telefonate në sistemin e Menaxhimit të Marrëdhënieve me Klientitn”. Mund të duket i parëndësishëm, por kemi parandaluar gabime të panumërta duke konrolluar çdo hap.

6. “Universi Elegant” (The Elegant universe) nga Brian Greene

universi elegant-the-elegant-universe-businessmag

Ky libër nuk ka të bëjë me lidershipin apo biznesin. Është një lexim fantastik rreth fizikës dhe teorisë së fijeve, në të cilën autori Brian Greene mundohet të shpjegojë si funksionon Universi.

E admiroj mënyrën se si Greene shpjegon koncepte jashtëzakonisht komplekse në në një mënyrë që njerëzit të cilët nuk janë matematicienë ose fizikantë mund t’i kuptojnë. Ky libër më kujton mua rreth të vërtetës së rëndësishme: Ekspertët e vërtetë duhet të jenë të aftë të shpjegojnë çdo gjë në një mënyrë të kujdesshme dhe të kuptueshme.

Është pjesë e ngritjes së një startupi të gjesh njerëzit dhe burimet që mund të të ndihmojnë përgjatë rrugës së nisur. Mendoj se këto 6 libra janë jashtëzakonisht të vlefshëm, dhe ato vazhdojnë të jenë guidë për mua në punën time të përditshme në kompani. Herës tjetër që do “ngecni” gjatë një udhëtimi në aeroplan, ju rekomandoj t’i lexoni.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale