Manipulimi social duket sikur tingëllon keq. Pëshpëriteni fjalën gjatë një bisede me njerëz të sjellshëm dhe ata do të mendojnë për marioneta njerëzore ose për një “keqbërës.” Mund të tingëllojë negative, por është vërtet një gjë e madhe.
Manipulim përcaktohet si “përdorimi, ose kontrolli i zgjuar i diçkaje ose i një njeriu.” Manipulimi social anagazhon aftësi bisedore dhe të personalitetit për t’i kthyer situata të caktuara në favorin tënd duke përfituar prej tyre.
Ka akoma më tepër, ajo lidhet me ‘leximin’ e situatave dhe të dish se kur të veprosh. Ja disa rregulla të thjeshta për përdorimin e manipulimit social për të ndërtuar një kompani të qëndrueshme.
1. Përdorni marrëdhëniet personale për të ndihmuar marrëdhëniet në biznes
Nëse mund të kontrolloni një dhomë, ju mund të kontrolloni fatin tuaj. Kjo nuk do të thotë se duhet të kontrolloni njerëzit, vetëm veprimet tuaja. Ndonjëherë, është e thjeshtë, si një tundje e kokës. Ndonjëherë, ky kontroll mund të kërkojë vëzhgime specifike të njerëzve rreth jush.
Ju duhet të projektoni një atmosferë konfidente, qoftë nëse bëhet fjalë për mënyrën se si futeni në zyrë ose qoftë për mënyrën se si i shihni njerëzit. Kjo sjellje, e kombinuar me gjuhën e sigurt trupore i bën njerëzit të kuptojnë mënyrën tuaj të mendimit.
Praktika e ndërtimit të marrëdhënieve ndodh herët në karrierë e cila shërben si një lloj novele me seri të manipulimit social. Ky proces nuk ëhstë i nevojshëm që t’i bëni njerëzit të dallojnë prezencën tuaj; kjo ka të bëjë me ndërtimin e kredibilitetit tuaj. Të rrënjosësh vetëbesimin te dikush duke e ushqyer me besimin te vetja dhe kompetencën është një tipar i manipulimit social.
2. Të dini se kur të pyesni
Të gjesh kohën e duhur është gjithçka. Ju mund të ndërtoni të gjitha lidhjet për të cilat keni nevojë, por sërish dështoni sepse e dreqosni punën me kohën.
Të dini se kur është momenti i duhur për të kapitalizuar është gjithçka në biznes dhe manipulimin social. Dëgjoni klientët tuaj dhe kuptoni se kur është momenti që ta ktheni diçka në favorin tuaj.
Pjesa më e madhe e klientëve ndihen sikur të qënit i dëgjuar është shumë e rëndësishme në krijimin e besimit. T’u kushtoni vëmendjen nevojave të klientit ose klientëve potencialë krijon besueshmëri dhe ju mban ju në një pozicion, nga i cili mund të dilni “fitues” në të ardhmen.
3. Hidhuni të parët
Në momentin që jeni hedhur në sulm, duhet të prodhoni. Kjo fazë e procesit nuk ka të bëjë vetëm me aftësitë e tua; lidhet me punonjësit tuaj gjithashtu.
Kur jam jashtë zyre me një grup të madh punonjësish të industrisë sime, e ‘heq’ veten ndryshe nga ç’do bëja me klientët aktualë dhe potencialë. Këta janë njerëzit të cilët me ndihmojnë në biznes, dhe unë mbështetem te besimi i tyre.
Ju keni punuar shumë për ta vënë veten në pozitat për të ndihmuar klientët dhe për të ndërtuar biznesin tuaj. Porcioni final i manipulimit social është të vendosni një staf shumë të mirë në një atmosferë të relaksuar në një dhomë plot me klientë potencialë. Duke bërë këtë mund të ndërtoni atë lloj besimi që ajo shprehja e thjeshtë, “Unë kam një skuadër të mirë,” nuk ka arritur kurrë ta bëjë.
Manipulimi social nuk është një fjalë e turpshme; është një mënyrë e thjeshtë për të ndërtuar besimin. Ai besim i hap dyert të ardhmes suaj, dhe kur këto mundësi dalin në pah, ju duhet të hidheni në sulm.
*Shkruar nga Anthony Russo, publikuar në Entrepreneur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
