Internet pa wi-fi. Xhulia Kurti po punon për të patentuar shpikjen - Business Magazine Albania

Internet pa wi-fi. Xhulia Kurti po punon për të patentuar shpikjen

Internet pa wi-fi. Xhulia Kurti po punon për të patentuar shpikjen

Xhulia Kurti futet në radhët e të paktëvë njerëz që kanë të zhvilluar në këtë nivel inteligjencën. Ajo është vlerësuar ndërkombëtarisht për arritjet dhe njohjet e saj në teknologji. Së fundi, ka marrë edhe mbështetje nga Ministria e Sipërmarrjes për të patentuar punën e saj. Ajo flet në një intervistë për Businessmag.

Xhulia na rrëfeni rreth jetës suaj. Kur ka nisur pasioni dhe kurioziteti për teknologjinë?

Unë kam lindur dhe jetoj në Durrës. Durrësin nuk e ndërroj me asnjë qytet tjetër. Kur isha rreth 8 vjec, babai im administronte një internet kafe dhe unë shkoja shpesh aty, sepse më tërhiqnin kompjuterat dhe bota e pafundme që ata me ofronin. Pastaj, pasioni erdhi duke u shtuar dhe nuk i‘u ndava më kompjuterave. Gjithashtu edhe studimet i vazhdoj në degën e Shkencave Kompjuterike në “Universitetin Aleksander Moisiu”.

Kush ju ka ndjekur në rrugëtimin tuaj?

Personi që më ka përkrahur dhe mbështetur në gjithë rrugëtimin tim është babai im, të cilit i detyrohem shumë.

Xhulia Kurti fiton çmimin e dytë në botë për projektin ‘Internet pa WIFI’, si lindi kjo ide?

Ishte një projekt që isha duke e përpunuar dhe evoluar prej dy vitesh. Në themelin e saj kisha komunikimin e kompjuterave dhe disa lloj pajisjesh të ndryshme. Në fund jam shume krenare që u finalizua me një cmim.

Çfarë kërkon si mundësi?

Kërkoj që të patentoj shpikjen time në organizatën botërore të pronësisë intelektuale nga WIPO. Gjithashtu një nga prioritet e mia është edhe hapja e një trademarku.

Ju sapo keni marrë edhe mbështetje nga shteti si mendoni të operoni për projektin?

Fatkeqësisht ndihma financiare e dhënë nga shteti nuk mjafton as për patentimin dhe jo me për trademarkun. Ndaj, do kërkoj përsëri mbështetje. Synimet e mia janë për të hyrë në tregun ndërkombetar pasi është një shpikje që i shërben njerëzimit.

A quhet vjedhje kjo gjë?
Jo sepse transmetimi i të dhënave bëhet me anë të një mënyre tjetër nga rastet e mëparshme nga kompani të tjera.
Për sa kohë mendon që mund të jetë gati ky projekt? Nëse do kem mbeshtetjen e duhur, koha e nevojshme është 9 muaj deri 18 muaj.

Si mendon që ndryshojë bota pas kësaj?
Mendoj që gjërat do ndryshojnë për mirë sepse edhe komunikimi do të jetë më i lehtë.

A mund të ndani disa detaje operacionale?
Disa nga detaje operacionale janë :
1-kosto më të ulta komunikimi
2-transmetimi i të dhënave me të sigurta
3-mbrojtje e të dhënave nga një server i posaçëm

A e lëkund ky projekt tregun e internetit?
Ndoshta e lëkund, por kjo do ishte pyetje e së ardhmes. Këtë më mirë le t’ia lëmë kohës.

Ju merrni dhuratën e veçantë nga Bill Gates për këtë gjë. Si ishte komunikimi juaj?

Ai më uroj për shpikjen dhe çmimin e marrë.
Në shenjë vlerësimi më dhuroi librin e ri të pa botuar duke më thënë që shpresonte të më shihte në majat e shkencës botërore. Por, nuk është i vetmi,  sepse janë edhe disa personalitete të tjera dhe i fundit është milioneri e pronave të patundshme, Grant Cardone, që më uroi dhe më përgëzoi.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0