Google Cloud së shpejti do të ketë një produkt të ri që do të konkurrojë Amazon dhe Microsoft - Business Magazine Albania

Google Cloud së shpejti do të ketë një produkt të ri që do të konkurrojë Amazon dhe Microsoft


Google prezantoi të Martën një produkt të ri cloud që po e quan GKE On-Prem. Është një version i Google Cloud që do të funksionojë për data centers privatë të klientëve dhe është një përpjekje e madhe nga Google për të konkurruar me Microsoft dhe Amazon.

Një kompani mund të regjistrohet për të përdorur cloud të Google për disa nga nevojat e saj IT. Ky lloj informatizimi njihet si cloud “hibride”.

Lexoni: Çfarë e dallon një menaxher të vërtetë?! Google shpenzoi një dekadë në kërkim e solli 10 kriteret bazë

Hybrid është specialiteti i Microsoft. Dhe është gjëja me të cilën Amazon Cloud Services nuk është e njohur, megjithëse është duke punuar në këtë fushë përmes partneritetit me VMware dhe projekte të tjera.

Urs Hölzle, inxhinieri i infrastrukturës së Google ndërtoi pjesën më të madhe të infrastrukturës që përdoret për gjëra të tilla si kërkimi dhe Gmail dhe tani është përfshirë në kthimin e data centers në produkte dhe shërbime cloud.

Ai gjithashtu ka predikuar historikisht që kompanitë nuk do të kenë nevojë për data centers, por do të bëjnë gjithçka në cloud. Kjo do të thotë se ata do të marrin me qera kompjuterat dhe softuerin që kanë nevojë dhe nuk do ta menaxhojnë më vetë.

Ai ka të drejtë. Një numër në rritje i kompanive po zgjedhin të bëjnë pikërisht këtë, por ata deri më sot kanë zgjedhur konkurrentin e Google, Amazon Web Services. Kjo falë numrit të lartë të shërbimeve që AWS ofron.

Google beson se ka teknologji superiore në shumë fusha, që përfshijnë sigurinë, machine learning / inteligjencën artificiale dhe pjesën e quajtur containers, e cila është një mënyrë për të rregulluar mirë cloud për nevojat e aplikacioneve të ndryshme. (Google shpiku një teknologji super të njohur container që quhet Kubernetes).

Lexoni: Google gjobitet 4.3 miliardë euro nga BE. Shkeli rregullat e konkurencës

Ndërkohë GKE On-Prem, gjithashtu lejon që Google të konkurrojë më mirë me Microsoft. Microsoft është i njohur për hybrid computing. Microsoft u rrit në epokën përpara cloud computing, kur e gjithë bota IT ishte lokale dhe ka treguar se është gjithashtu një mjeshtër i cloud computing. Azure e saj ka qenë gjithmonë e destinuar për të qenë hibrid.

GKE On-Prem i Google pritet të lançohet për klientët për testim në vjeshtë.

burimi: BI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0