Gjobiten Apple dhe Samsung se ngadalësuan qëllimisht pajisjet e tyre


Në Janar, organi italian përgjegjës për monitorimin e konkurrencës midis kompanive nisi dy hetime të veçanta kundër Apple dhe Samsung për të përcaktuar nëse kompanitë ishin duke përdorur qëllimisht përditësimet e softuerëve për të ngadalësuar pajisjet e klientëve. Tani, Autoriteti Garant i Konkurrencës dhe Tregut (AGCM) ka lëshuar një deklaratë duke thënë se të dy kompanitë kanë shkelur disa kode të konsumit dhe ka vendosur gjoba në lidhje me këtë.

AGCM gjobiti Apple me 5 milionë euro (5,7 milionë dollarë) për problemet që kanë ndodhur në modelet e ndryshme të iPhone 6 kur përdoruesit instaluan iOS 10, i cili u zhvillua për iPhone 7. Për shkak se iOS i ri kërkonte më shumë kërkesa për energji ata që e përdorën në iPhone më të vjetër kanë pasur fikje të papritur të pajisjes. Përditësimi nga kompania u lançua pa paralajmëruar konsumatorët se do të krijonte probleme me CPU në pajisjet e tyre me bateritë më të vjetra.

Lexoni: Nuk keni një diplomë universiteti? Kompani si Apple, IBM dhe Google nuk kërkojnë më një të tillë

Apple gjithashtu ka marrë një gjobë të dytë prej 5 milionë eurosh për arsye se nuk po u jep konsumatorëve informacionet e nevojshme për bateritë e pajisjeve të tyre, si p.sh jetëgjatësia mesatare dhe procedurat për mënyrën e ruajtjes dhe zëvendësimit të tyre.

Samsung gjithashtu po merr një gjobë prej 5 milionë eurosh (5.7 milionë dollarë) nga AGCM. Kur Samsung lançoi përditësimin e Android Marshmallow 6.0.1 – të përgatitur për Galaxy Note 7 e ri – ata që e instaluan atë në Note 4 zbuluan se firmware ishte shumë kërkues për telefonin, duke e çuar atë në mosfunksionim në raste të caktuara . Kjo bëri që njerëzit të paguajnë kosto të larta riparimi për të rregulluar telefonin, pasi Note 4 ishte prodhim i vjetër dhe jashtë garancisë.

Ndërsa problemi i Samsung Note 4 / Marshmallow OS nuk ishte aq i publikuar sa drama e ngadalësimit të Apple, ka shumë forume ku njerëzit flasin për problemet që hasën, nga bllokimi i baterive deri te problemet me lidhjen e internetit me shënime si “Note 4 i shkatërruar nga 6.0 .1”. Samsung nuk u tha njerëzve se diçka e tillë mund të ndodhte dhe ndërsa është e paqartë nëse Samsung e dinte ose duhet ta kishte ditur, qeveria italiane beson se ky është një problem dhe kompania nuk i ka informuar klientët e saj.

Lexoni: Si u prit eventi i Apple?

Raporti thotë se vendimet e të dy kompanive për të patur klientë që të instalonin përditësimet në telefonët e tyre të vjetër shkaktuan probleme serioze dhe reduktuan performancën duke përshpejtuar procesin e zëvendësimit të tyre.

burimi: Verge

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale