Facebook prezanton më në fund funksionalitetin e shumëpritur nga të gjithë » Business Magazine Albania – Media Dixhitale dedikuar Sipërmarrjes
Përditësuar së fundmi: 16/10/2018

Facebook prezanton më në fund funksionalitetin e shumëpritur nga të gjithë

Share
nga Anerola Torollari
Tet 16, 2018
Studied at Faculty of Science, Content Editor Biznesi at Business Magazine
lexo me teper >

Keni dërguar një mesazh në Messenger dhe jeni penduar që e dërguat, atëherë Facebook me funksionalitetin më të ri bën të mundur fshirjen e tij edhe për bashkëbiseduesin.

Gjashtë muaj pasi Facebook pranoi se CEO, Mark Zuckerberg mund të fshijë fshehtas mesazhet e dërguara në biseda private, rrjeti social thuhet se është gati që kjo veçori të bëhet pjesë e aplikacionit të tij Messenger për të gjithë përdoruesit.

Një prototip i funksionit të ‘unsend’ u nxorr nga Jane Wong, e cila ndan screenshotet në Twitter me një mesazh që shpjegon se tani ky funksionalitet është në dispozicion “për të gjithë”.

Lexoni: Facebook përsëri probleme, vidhen të dhënat e 30 milionë përdoruesve

Me anë të këtij opsioni ju mund të fshini mesazhet, duke i larguar në këtë mënyrë edhe nga personi me të cilin ishit duke folur, por ju do të keni mundësinë t’i fshini ato vetëm brenda disa minutave të caktuara, në të kundërt ky funksionalitet nuk do të ketë vlerë.

Aplikacionet e tjera që kanë funksionalitetin e dërgimit të mesazheve, përfshirë Snapchat, WhatsApp dhe Instagram, tashmë u lejojnë përdoruesve të bëjnë ‘unsend’ mesazhet në platformat e tyre.

burimi: Independent