Ky eksperiment është ende në testim dhe nuk është hapur zyrtarisht. Ky funksion nuk është gjetur as në dy iPhone e rinj (iPhone 7 dhe 7 Plus) apo në një telefon Android (OnePlus 3T) të cilët kanë versionin e fundit të aplikacionit Facebook.
“Për të ndihmuar njerëzit që të qëndrojnë të lidhur me miqtë dhe përvojat e ndryshme që u interesojnë, ne jemi duke punuar për një funksion të ri që hap rrjetet Wi-Fi duke u lidhur me vendet më të afërta”, tha një zëdhënës i Facebook për Mashable.
Ky tipar është ende duke u testuar në vende të caktuara.
Tipari është i ndryshëm nga, të themi, hapja e Wi-Fi në celularin tuaj dhe kërkimi për një rrjet të hapur. Nga screenshots e TNW dhe VentureBeat, duket se në fakt ju do të jeni në gjendje për të parë vende të veçanta që kanë Wi-Fi të lirë dhe publik në dispozicion (në një McDonalds apo Starbucks, për shembull).
Ka tashmë aplikacione për iOS dhe Android si ky, që ju tregojnë vendet me Wi-Fi të lirë dhe publik. Por ndërtimi i këtij funksioni në Facebook do të jetë pak më i përshtatshëm sesa duke përdorur aplikacione të ndryshme.
Kjo do të ndihmojë edhe misionin e kompanisë për të ndihmuar njerëzit që të hyjnë më shumë në internet (edhe nëse është me platformën e saj).
Burimi: mashable.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
