Facebook është duke bërë eksperimente për të krijuar një pajisje që lexon mendjen tuaj


Në vitin 2017, Facebook njoftoi se po punonte në një projekt që do t’i mundësonte përdoruesve të shkruajnë thjesht duke i menduar fjalët. Dhe sot, kompania zbuloi për herë të parë se sa larg është në përpjekjen e saj për ta bërë një pajisje të tillë realitet.

“Imagjinoni një botë ku të gjitha njohuritë dhe dobitë që i kemi nga telefonat e mençur, të ishin menjëherë të arritshme pa i përdorur duart,” thuhet në një blog nga Facebook. “Atje ku mund të lidhesh me të tjerët në një mënyrë kuptimplote, pavarësisht nga shpërqendrimet e jashtme, kufizimet gjeografike dhe madje edhe aftësitë apo kufizimet fizike.”

Facebook thotë se po bashkëpunon me studiues të Universitetit të Kalifornisë në San Francisko për të ndërtuar një pajisje që mund t’i ndihmojë pacientët me dëmtime neurologjike të flasin përsëri duke analizuar aktivitetin e tyre të trurit në kohë reale.

një artikull të botuar në revistën Nature Communications, ekipi i studiuesve tregoi për përparimin e tyre të fundit në një pajisje të tillë.

Në eksperimentet e tyre, ata u bënë një pyetje pjesëmarrësve dhe i udhëzuan ata që të përgjigjen me zë të lartë. Duke ekzaminuar leximet nga monitorët me densitet të lartë – elektroda që implantohen në mënyrë kirurgjike direkt në sipërfaqen e trurit – ata mund ta kuptonin përgjigjen me një saktësi “deri në 61%” vetëm duke shikuar sinjalet e trurit.

Studiuesit pohojnë se rezultatet e tyre “demonstrojnë deshifrim të fjalëve në kohë reale në një mjedis interaktiv, i cili ka dobi të rëndësishme për pacientët që nuk janë në gjendje të komunikojnë”.

Gjithsesi, Facebook nuk mund të futet në mendjen tuaj. Që diçka e tillë të funksionojë duhen akoma shumë vite, në mos dekada.

Dhe gjithashtu, ky eksperiment të shtyn të bësh pyetje rreth cenimit të privatësisë së njerëzve. Mendimet tona janë një nga parajsat e vetme të sigurta që ende nuk janë shfrytëzuar nga kompanitë e mëdha të teknologjisë.

“Për mua truri është vendi i sigurt për lirinë e mendimit, për fantazitë dhe për vetëmohimin”, tha Nita Farahany, profesoreshë në Universitetin Duke, e specializuar në neuro-etikë, për MIT Technology Review. “Privatësia jonë është duke u cenuar aq shumë dhe ende ka mbetur e pambrojtur.”

Futurist

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale