Elon Musk, më i pasur se Bill Gates dhe Warren Buffett së bashku - Business Magazine Albania

Elon Musk, më i pasur se Bill Gates dhe Warren Buffett së bashku

Elon Musk

Elon Musk, CEO dhe themeluesi i Tesla dhe SpaceX rriti pasurinë e tij dhe tani ka një vlerë neto prej 236 miliardë dollarësh, sipas Indeksit të Miliarderëve të Bloomberg.

Në këtë mënyrë, miliarderi renditet 39 miliardë dollarë mbi Jeff Bezos, themeluesin e Amazon dhe Blue Origin, i cili mbante vendin e parë të njerëzve më të pasur në botë për disa kohë dhe aktualisht ka një pasuri prej 197 miliardë dollarësh.

Rritja e aseteve të biznesmenit me origjinë nga Afrika e Jugut është për shkak të shitjes së aksioneve në kompaninë e tij SpaceX, sipas mediumit RT.

Lexoni: Shiba Inu trondit botën e “kriptove”, monedha e 15 me vlerën më të madhe. Çmimi i saj ‘kap qiellin’ pas postimit të Elon Musk

Pasuria e Elon Musk është më e madhe se ajo e miliarderëve si Bill Gates (130 miliardë dollarë) dhe Warren Buffett (103 miliardë dollarë) së bashku.

Në shtator, pronari i Tesla u bë personi i tretë që arriti 200 miliardë dollarë, pas Jeff Bezos dhe Warren Buffett. Në këtë kohë, miliarderi shfrytëzoi rastin për t’i dërguar një mesazh themeluesit të Amazon.

“Unë po i dërgoj një statujë gjigante të shifrës ‘2’ Jeffrey B., së bashku me një medalje argjendi,” shkroi Musk. Më vonë, ai vazhdoi të “bënte shaka” për këtë çështje përmes llogarisë së tij në Twitter kur iu përgjigj një tweet-i nga kundërshtari i tij hapësinor me një medalje argjendi.

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0