Edon Fishekqiu, sipërmarrësi i ri që udhëheq shumë startup-e inovative » Business Magazine Albania – Media Dixhitale dedikuar Sipërmarrjes
Përditësuar së fundmi: 05/09/2019

Edon Fishekqiu, sipërmarrësi i ri që udhëheq shumë startup-e inovative

Share
nga Eridon Elshani
Sht 05, 2019
-Manages Business Mag Kosovo -Studies Philosophy at University of Prishtina
lexo me teper >

Edon Fishekqiu, sipërmarrës serial, është vetëm 26 vjeç por mjaft i suksesshëm për moshën e tij. Ai ka themeluar disa startup-e të suksesshme dhe punon si asistent i Drejtorit Ekzekutiv në Jysk Kosovo.

Pasi e mbaroi shkollën e mesme në Prizren, Edoni fitoi një bursë në Istanbul Commerce University në Turqi. Ai rrëfen për Businessmag se kur shkoi në Turqi, – në fillim nuk mund të përshtatej me ambientin atje, pasi që plan-programi i universitetit është mbështetur më shumë në teori dhe studentët nuk kanë pasur mundësi që ta zbatojnë në praktikë atë që e kanë mësuar.

Edoni ndihej si i stagnuar dhe filloi të mendonte për alternativa të tjera.

Ai u kthye në Kosovë dhe filloi studimet në Universitetin e Biznesit dhe Teknologjisë (UBT) në Prishtinë, ku filloi të planifikonte edhe karrierën e tij paralelisht me studimet.

Meqë UBT ia mundësonte që t’i frekuentonte ligjëratat në mbrëmje, Edoni filloi ti kushtonte edhe më shumë rëndësi karrierës dhe t’i hulumtonte institucionet që ofronin punë praktike.

Në vitin 2011 bankat dhe institucionet financiare kanë qenë më atraktive për praktikantët, kështu që ai filloi praktikën në Agjencinë Tatimore të Kosovës (ATK).

Pasi e përfundoi praktikën në ATK, ai filloi punën në Ministrinë e Kulturës, Rinisë dhe Sportit, në Departamentin e Financave. Aty Edoni përfitoi një eksperiencë të mirë dhe e zhvilloi veten si financier.

Në vitin e dytë të kolegjit, ai u punësua në Ministrinë e Punëve të Jashtme si praktikant dhe asistent i Drejtorit Ekzekutiv.

Pas kësaj eksperience, ai u bë pjesë e kompanisë Interex si Specialist i Marketingut dhe Menaxher i Projekteve.

Në vitin 2016, bashkë me kolegun e tij Bujar Kaqamakun, themeluan kompaninë True Choice, e cila ka një qasje të ndryshme nga kompanitë tjera dhe do të ketë shumë startup-e në zinxhirin e saj.

Kompania True Choice pretendon që deri në vitin 2024 të lançojë katër projekte inovative. Njëra prej këtyre startup-eve është autopjesë-ks, e cila e ndihmon klientin të gjejë përmes internetit pjesën që i duhet për automjetin e përmes internetit dhe lokacionin e një dyqani të autopjesëve.

Kompania True Choice pretendon që deri në vitin 2024 të lançojë katër projekte inovative. Ekipit të True Choice tani i është bashkangjitur edhe një inxhinier i ri që punon në kompaninë NASA, Xhafer Rama.

Krahas platformës autojesë-ks, Edoni me ekipin e tij pritet të lançojë edhe startup-in autovegla, një platformë inovative për shitblerjen online të veglave të ndryshme.

Edoni ndjehet shumë fatlum dhe falënderues për të gjitha të mirat që i gëzon në jetën dhe karrierën e tij. Ai thotë se ka arritur deri këtu falë mbështetjes nga mentorët e tij.

Mesazhi i tij për të rinjtë shqiptarë është që të punojnë sa të munden, të lexojnë dhe të hulumtojnë më shumë, si dhe të inkuadrojnë më shumë optimizëm në jetën e tyre.

“Hulumtimi dhe evidentimi të mundëson zgjidhjen e çdo problemi”, u shpreh ai për Businessmag.