Disney bën gati ofertën për Twitter - Business Magazine Albania

Disney bën gati ofertën për Twitter


Disney nëpërmjet një këshilltari financiar po përgatit një ofertë zyrtare. Në garë ka hyrë furishëm edhe Microsoft, që pas blerjes së Linkedin kërkon të fuqizohet në sektorin e mediave sociale.

Në çdo rast, fjalët dhe zërat po i bëjnë mirë Twitter. Edhe në një ditë kur bursat globale janë në rënie, si sesioni i së hënës, aksionet e Twitter u rritën me 1.4%. Sa i përket Disney, blerja e Twitter do t`i mundësonte forcimin në rrjetet sociale, që është edhe thembra e Akilit për kompaninë që krijoi Topolinon.

Në garë, veç Disney dhe Microsoft është edhe ‘Saleforce’ në bashkëpunim me ‘Bank of America’. Twitter ndërkohë po punon me Goldman Sachs për operacionin e shitjes. Pak ditë më parë u përfol për një interes të Google.

Operacioni mund të përmbyllet brenda 45 ditëve të ardhshme. Kompania ka një vlerë në treg prej 16 miliardë dollarësh, ndërkohë që Twitter kërkon të arkëtojë 30 miliardë dollarë, një shifër tejet ambicioze vlerësojnë analistët. Në mbledhjen e fundit të këshillit administrativ të kompanisë u vlerësua gjerësisht mundësia e shitjes, duke pasur parasysh rezultatet dhe bilancet e fundit.

 

burimi: rtvscan

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0