CONCEPT MARKETING DREJT TREGUT NDËRKOMBËTAR - Business Magazine Albania

CONCEPT MARKETING DREJT TREGUT NDËRKOMBËTAR

Bota e biznesit, dita ditës, po përballet dhe adaptohet me realitetin e  ri të të bërit biznes, si pasojë e pandemisë. Bizneset në të gjithë botën kanë pësuar ndryshime thelbësore në mënyrën se si ato operonin më parë. Edhe pse dëmet financiare janë të mëdha, përsëri ka një dilemë në qoftë se kjo situatë do të sjelli një impakt pozitiv për bizneset e reja dhe sipërmarrësit e rinj. Në kohë kur historia ka treguar se krizat shërbejnë si armë për të paraprirë të ardhmen, ato  i japin formë shoqërisë dhe vendosin theksin mbi elemente që shërbejnë në funksion të evoluimit të saj.

Rëndësia e epokës dixhitale, teknologjisë dhe marketingut u vërtetua më së miri gjatë muajve të izolimit, ku e gjithë bota ju drejtua përdorimit masiv të platformave online duke u transferuar në një formë të re jetese, asaj dixhitale. Por jo vetëm kaq, ky ndryshim nxiti sipërmarrësit të mendojnë jashtë kutisë dhe të sfidojnë veten në shumë drejtime.

Endri Nasufi, Mersin Gogla dhe Krismando Bisha, themelues të Concept Marketing Albania, kanë lansuar agjencinë e re në Dubai, duke i dhëne agjencisë ekzituese një mundësi për të ofruar shërbimet e tyre në marketing dixhital, globalisht. ROI AGENCY LLC është emri me të cilin agjencia po operon në Dubai. Ky është një rast frymëzimi edhe për sipërmarrësit e rinj, të cilët hezitojnë në marrjen e vendimeve përsa i përket zgjerimit dhe rritjes së kompanive të tyre.

Artikulli u publikua më parë në faqen 36  të numrit 26 të revistës Business Magazine Albania.  Ju mund të Siguroni këtu nr. 26 të saj.

Concept Marketing, që në fillimet e tij, ka zhvilluar aktivitetin edhe përtej oqeanit. Emiratet e Bashkuara dhe Australia, dy vende miqësore përsa i përket Start Up-eve, sipërmarrjes, investimeve të huaja dhe inovacionit, kanë qënë mjedise favorizuese për t’i ofruar shërbimet e tyre klientëve potencial. Edhe pse aktualisht kompania është në një fazë njohjeje në Dubai, pas muajsh të tërë pune, ekipi i ROI është gati për të nisur me projekte të reja dhe sfiduese. Në bashkëpunim me përfaqësuesit dhe bashkëthemeluesit në Dubai, Erisad Lugjaj dhe Juird Rragami, janë arritur dhe klientet e parë. Roi Agency do të operojë momentalisht me staf profesionistësh kryesisht shqiptar dhe kanë filluar rekrutimet për të rinjtë e apasionuar pas fushës së marketingut.

“The Creative Hub” është një agjenci marketingu e cila operon në Australi. Concept Marketing bashkëpunon me “The Creative Hub” që në Prill të Vitit 2020, duke mbuluar pjesën kreative të klientëve. Andrew Mathieson Blakely, themelues i “The Creative Hub” shprehet “Me djemtë e Concept Marketing jemi njohur gjatë karantinës, nëpërmjet një platforme online. Pas disa bashkëpunimeve të suksesshme që kemi zhvilluar me sukses dhe në sajë të gadishmërise së ekipit të Concept Marketing për të punuar globalisht, tani i kemi pjesë të pandashme të skuadrës tonë të madhe dhe plot projekte të tjera na presin.”

Ky është një hap i guximshëm pas një periudhe sfiduese për botën e biznesit, por mesa duket muajt e vështirësive kanë sjellë projekte interesante.

Lexo: Concept Marketing Albania: “Bëhu egërsisht i suksesshëm”

Bashkëpunimi me klientët e huaj ka qënë një proces i vazhdueshëm për skuadrën e Concept Marketing, ne të cilët kanë shkëmbyer eksperienca dhe gjithashtu kanë rritur cilësinë e shërbimeve të tyre. Anglia, Amerika, Qatar dhe Gjermania kanë qënë vendet ku agjencia ka zhvilluar bashkëpunimet e saj. Synimi ka qenë dhe mbetet nxitja e shkëmbimit të ideve kolektive dhe bashkimi i skuadrës drejt qëllimeve të përbashkëta. Në këtë mënyrë është më e lehtë për të arritur rezultate optimale.

Themeluesit e Concept Marketing shprehen se janë optimist për të ardhmen e kompanisë dhe besojnë që tregu ku ato operojnë do të vazhdojë të zhvillohet me hapa të mëdhenj në të gjithë globin. Ndërkombëtarizimi i kompanisë është një hap aq pozitiv sa edhe plot përgjegjësi. Gjithësesi, ata janë të vendosur dhe të motivuar për të zhvilluar akoma më shumë aktivitetin e tyre dhe të gatshëm për të përballuar cdo sfidë, që të qenurit sipërmarrës sjell.

Artikulli u publikua më parë në faqen 36  të numrit 26 të revistës Business Magazine AlbaniaBusiness Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Siguroni këtu nr. 26 të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0