Concept Marketing Albania: “Bëhu egërsisht i suksesshëm”

Concept Marketing Albania: “Bëhu egërsisht i suksesshëm”


Me projekte ambicioze për të ardhmen Endri Nasufi, Mersin Gogla dhe Krismando Bisha janë tre të rinj, të cilët me idenë e tyre Concept Marketing Albania, fituan çmimin e parë në StartUp City.

Të specializuar në marketing dhe dizajn ata kanë punuar për kompani të suksesshme. Pas kësaj përvoje vendosën të themelojnë një agjensi marketingu, Concept Marketing Albania.

Për BusinessMag.al ata tregojnë se kjo agjenci operon me fushata marketingu nëpërmjet kanaleve të ndryshme të komunikimit. Parimi i agjensisë është të ofrojë cilësi ndaj klientëve, si dhe një gamë sa më të gjerë shërbimesh në marketingun dixhital dhe atë tradicional.

Nën sloganin “Bëhu egërsisht i suksesshëm”, synojnë të ndihmojnë bizneset e vendit dhe të optimizojnë shitjet e tyre, me kosto sa më efektive.

Në konkurencë pikat e forta të kompanisë së marketingut janë:

  • Ofrimi i një gamë të gjërë dhe cilësore shërbimesh brenda një agjencie të vetme.
  • Shërbime të një cilësie ndërkombëtare me kosto më të ulët.

Për djemtë e Concept Marketing Albania, çdo gjë që ka të bëjë me marketingun, çdo linjë grafike, çdo framë i një videoje apo buton i një website, është një risi. Prandaj ata ofrojnë risi të vazhdueshme në fushën e tyre.

Familja dhe shoqëria e ngushtë kanë qenë të parët që kanë përqafuar dhe mbështetur idenë e tyre. Një nxitje të madhe morën nga Metropolitan Incubator.

Lexo: StartUp City shpall fituesit

Të pyetur rreth konkurencës në StartUp City, ata thonë: “Kaluam një eksperiencë të paharrueshme dhe shume të vlefshme për ne. Ne ishim të pranishëm në tre ditët e eventit, ku krijuam network me konkurrentët e tjerë. Idetë në Start Up City ishin të një niveli të lartë, ku do veçonim idenë e krijimit të portalit për studentët si dhe ideja për zhvillimin e punimeve artizanale me punime dore”.

Sipas tyre, eventet e startup-eve, janë një mundësi e mirë për të gjithë ata që duan të shpalosin idetë e tyre dhe që kërkojnë financim për zhvillimin e kësaj ideje. Objektiv i tyre është zgjerimi dhe avancimi i Concept Marketing Albania në Concept Marketing Ballkan.

“Think outside the box”. Vetëm duke menduar jashtë kutisë, duke sjellë risi të vogla por të vlefshme, mund të bëjmë shumë për veten dhe për këtë vend. Ky është mesazhi që tre të rinjtë e Concept Marketing Albania, Endri Nasufi, Mersin Gogla dhe Krismando Bisha kanë për të rinjtë me ide novative.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0