Pjesë e jurisë janë:
1. Avni Ponari, i cili është CEO i “Sigal Uniqa Group Austria”, një nga kompaninë më të mëdha të sigurimeve në Shqipëri dhe rajonin e Ballkanit. Avni Ponari është jo vetëm lider i suksesshëm, por gjithashtu aksioner i 8 kompanive të sigurimit “SIGAL UNIQA” në rajon (Shqipëri, Kosovë dhe Maqedoni) si dhe i disa bizneseve të tjera të tilla si: koncensionarë makinash, rrjet hotelerie, agjensi doganore.
2. Armand Peza është themelues i “Geraldina Sposa”, e cila është hapur në 3 Qershor të vitit 1995. Ai ishte i pari sallon vetëm me veshje nusërie dhe sot është ndër më të preferuarit në Shqipëri.
3. Donika Mici është CEO e “Donianna & Mici sh.p.k.” një nga bizneset fason më të suksesshme në Shqipëri. Kompania e themeluar në Qershor të vitit 1992 është ndër më të mëdhatë eksportuese dhe prej disa vitesh ka dalë si prodhuese, duke dhënë një shembull pozitiv, jo vetëm për mbylljen e ciklit në industrinë me material porositësi, por edhe gjetjen direkt të tregjeve.
4. Ylli Sula është CEO i “ÇELËSI MEDIA GROUP “, i cili përfaqëson aktualisht siguruesin më të madh të informacionit në Shqipëri duke përfshirë pesë biznese kryesore, “Çelësi Shpk”, “Çelësi Design & Publicity”, “Guidat Praktike”, “Dyqanet Infoshop” dhe “Akademinë Kult”. Të gjithë këto biznese kanë filluar aktivitetin e tyre në Tiranë dhe janë zgjeruar në të gjithë territorin e Shqipërisë.
5. Besnik Leskaj ka mbi 15 vite eksperiencë në menaxhim në sektorin privat dhe publik. Ai është CEO i “AbKons”, një kompani konsulence financiare, e themeluar në vitin 2006. Ajo është rritur me hapa të shpejtë në sektorë të ndryshëm të industrisë të tilla si: energjia dhe burimet natyrore, transporti, zhvillimi urban, administrimi publik dhe agrikultura.
6 konkurentët, të cilët ishin pjesë e puntatës së parë prezantuan idetë e tyre përpara jurisë në një hark kohor prej 7 minutash secili. Në fund të çdo prezantimi anëtarët e jurisë bënin pyetje rreth produktit apo idesë së tyre.
– Konkurentet e para ishin Zhaklina Istrefi dhe Edlira Shima me idenë e tyre “Blancheur”, e cila konsiston në një lavanderi me xhetona përballë konviktit të Inxhinierisë së Ndërtimit. Kjo ide u jepte zgjidhje problemeve të studentëve, të cilët banojnë në këtë konvikt që përballen shpesh me faktin e mungesës së prakticitetit në larjen e rrobave.
– Ideja e dytë e prezantuar nga Ermal Banja ishte “Paulownias”, që kishte në fokus mbjelljen e drurit të paulownias, e cila bën pastrimin e ajrit dhe mbron tokën nga erozioni. Druri gjithashtu mund të përdoret për ndërtimin e mobiljeve. Qëllimi i tij ishte marrja e një financimi për të ndërtuar një laborator me teknologji bashkëkohore për prodhimin e këtij druri.
–Ideja e tretë u prezantua nga Ëngjëll Rraklli dhe kishte të bënte më një projekt të quajtur “Ama Kids”, një lojë me impakt social që mundësonte zhvillimin mendor të fëmijëve që janë të verbër, mësimin e tyre në lëndë të tilla si anglisht, matematikë, histori por jo vetëm. “Ama Kids” ofronte mbështetje për këta indvidë duke i futur në botën e realitetit virtual duke zhvilluar mendjen e tyre.
-“Elektrolizer”, ideja e katërt e prezantuar nga Ajet Halili, është projekt modest me anën e të cilit përfitohej gazi i hidrogjenit, ekologjike ndaj mjedisit, për prodhimin e energjisë elektrike. Me shpërndarjen e kësaj pajisjeje në treg do të përfitonin shumë familje në nevojë për të kursyer energji elektrike dhe për të ulur kostot e blerjes së karburantit të makinave të tyre.
– Ideja e pestë e prezantuar nga Adelina Bellovoda dhe Afërdita Çakaj, konsistonte në Punime Dore, të punuara me metoda të ndryshme si p.sh, tre dimensionale, me mbushje, kryq etj. Kërkesa e tyre ishte hapja e një biznesi, një faqeje interneti, pjesëmarrja në panaire ndërkombëtare si dhe ta linin si trashëgimi këtë metodë të punimit me dorë brezave që do të vijnë. Njëri nga anëtarët e jurisë përkatësisht Avni Ponari u dha mundësi të bënin ekspozitën e parë për të paraqitur punimet e tyre në Durrës për rreth një muaj pa pagesë tek “Klubi i Artit” të Kompanisë Sigal. Besnik Leskaj u premtoi se do sponsorizonte ndërtimin e një faqeje interneti për Punimet e tyre të Dorës si dhe konsulencë të plotë për t’i drejtuar në organet qeverisëse përkatëse.
– Ideja e gjashtë dhe e fundit u prezantua nga Ejona Zaimaj, e cila ka themeluar “Amalthia”, një fermë me dhi në Durrës, me kapacitet 1800 krerë. Qëllimi i saj ishte hapja e një dyqani fizik për të shitur produktet e saj dhe ndërtimi i një laboratori me teknologji bashkëkohore për prodhimin e ushqimit me parametra të duhur për kafshët e fermës.
“Do You Have an Idea?” i jep mundësi të gjithë atyre që kanë qëllim për t’i shërbyer njerëzve në nevojë apo t’ua lehtësojnë jetën, që të vijnë në program, ta paraqesin idenë e tyre përballë jurisë dhe të marrin fondin e nevojshëm për të bërë realitet planin e tyre të biznesit.
Business Magazine Albania ju fton që të merrni pjesë në këtë format televiziv për të ndarë me të gjithë idenë tuaj inovative të biznesit. Ndiqeni puntatën e dytë të “Do you have an idea?” të enjten në datën 16 Mars në Vizion Plus.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
