"Blancheur" ideja fituese e “The steps for creating a sucessful business” - Business Magazine Albania

“Blancheur” ideja fituese e “The steps for creating a sucessful business”


Në datat 18-19 Nëntor 2016 në kuadër të javës globale të sipërmarrjes, “Globe Tik & Language Education” organizoi edicionin e parë të “The steps for creating a successful business”, në Tiranë. Pjesë e këtij formati ishin shumë të rinj, të cilët ndanë idetë e tyre inovative të biznesit dhe aspirojnë të jenë sipërmarrës të bizneseve të suksesshme. Zhaklin Xhafa-Istrefi dhe ekipi i saj janë njëri nga fituesit e këtij eventi dhe më poshtë është intervista ekskluzive nga Business Magazine Albania. 

BM: Përshëndetje. Mund të bëni një përshkrim të vetes: emër, mbiemër, mosha, arsimi ‎që po ndjek momentalisht.

ZH: Emri im është Zhaklin Xhafa-Istrefi. Jam 19 vjeç dhe studioj për Drejtësi, dega “Business law” në “Tirana Business University”.

BM: Cila është ideja e biznesit që propozon projekti juaj?

ZH: Ideja jonë e biznesit e quajtur “Blancheur” nga frengjishtja, bardhësi konsiston në një lavanderi me xhetona përballë konviktit të Inxhinierisë së Ndërtimit. Studentët që banojnë në këtë konvikt perveç stresit të shkollës dhe 85% e tyre edhe të punës i duhet të perballen me faktin e mungesës së prakticitetit në larjen e rrobave. Pastrimi kimik është i shtrenjtë për këtë kategori vulnerabël nësë mund të përdor këtë term të shoqerisë sonë. Tani po merremi dhe me ndërtimin e një aplikacioni që shmang trafikun e orareve dhe është mjaft praktik në përdorim.

BM: Çfarë zgjidhje ofron dhe kujt i shërben?

ZH: Ideja jonë i vjen në ndihmë të gjithë studentëve, një lavanderi me xhetona e cila vjen me një arredim ndryshe dhe të mirëmenduar shumë afër konviktit, me një kënd librash që mund të shfletohen dhe çajra të ndryshëm që mund të konsumohen gjatë kryerjes së procesit i cili zgjat disi. “Blancheur” zgjidh problemin e 93% të personave të intervistuar, në një sondazh të realizuar prej nesh.

BM: Cilat ishin pritshmëritë tuaja nga ky aktivitet?

ZH: Në fillim kur po dëgjoja idetë e tjera të biznesit mendova: Dreqin, ideja ime është shumë më me këmbë në tokë dhe kjo gjë nuk para vlerësohet. Pastaj mendova do dal aty dhe do të shpreh idenë time, tek e fundit të paktën e provova dhe nuk do të më ngelte pikpyetjë në mendje. Ja dola, “Blancheur” ishte njëra ndër idetë fituese.

BM: Si do t’a përshkruanit me 1 fjali këtë përvojë?

ZH: Këtë eksperiencë nga ideja e “startupnow” e në vijim me një fjali do t’a përshkruaja “një ide lind rastësisht, vihet në lëvizje nga motivimi dhe mbështetja dhe finalizohet nga këmbëngulja dhe ambicia.”

BM: Cili është ekipi juaj i punës?

ZH: Ekipi yne i punës përbëhet nga 6 persona:

Zhaklin Xhafa-Istrefi – Konrdinatore projekti/Menaxhere

Fjorentina Marku – Menaxhere e departamentit të burimeve njerëzore

Marsi Bulku & Kleidja Buba – Marketing

Anxhela Papa – Financë

Refat Agolli – IT hardware&software

BM: Çfarë është ajo që ju nevojitet në vazhdim? Mbështetje financiare, këshillues biznesi, tjetër?

ZH: “Blancheur” që të vihet në jetë ka nevojë për mbështetje financiare. Ne jemi studentë të 6 dhe nuk disponojmë fonde mjaftueshëm për të vënë në jetë idenë tonë të biznesit edhe pse kemi besimin dhe sigurinë që ka për të rezultuar mjaft i suksesshëm. Konsulencë absolutisht po, kemi nevojë për këshillat e duhura financiare nga njerëz me eksperiencën që neve na mungon, të jemi transparentë. Duam që të jemi 100% gati për t’u integruar në treg.

BM: Ku e shikoni biznesin tuaj pas 1 viti?

ZH: Pas një viti, si fillim me kontratë franchaizing do të hapim një tjetër “Blancheur” në “Qytetin Studenti” dhe më vonë në çdo qytet të Shqipërisë ku ka konvikte.

BM: Faleminderit për intervistën. Ju urojmë suksese në punën tuaj.

ZH: Faleminderit Business Mag.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0