Çfarë do të thotë të jesh një sipërmarrës emigrant në Brexit, Britani? - Business Magazine Albania

Çfarë do të thotë të jesh një sipërmarrës emigrant në Brexit, Britani?

~6 minuta lexim


Kur Marta Krupinska u zhvendos në Britani pesë vjet më parë, ajo mendoi se kishte gjetur destinacionin e saj përfundimtar – një vend për ta quajtur shtëpi.

Tani, megjithatë, ajo nuk është më aq e sigurtë.

“Kur mendoj për të ardhmen time – ku mund të jetoj mirë, çfarë mund të bëj, pyes veten – A do jetë Lodra vendi më mikpritës për ne?”

Me origjinë nga Polonia, Krupinska është bashkë-themeluese dhe menaxhere e përgjithshme e Azimo, një startup financiar i themeluar në Londër në vitin 2012. Kompania bën një aplikacion, i cili u lejon njerëzve të dërgojnë para lehtësisht jashtë shtetit, zakonisht për familjen ose miqtë.

Azimo ka zyra si në Londër, ku ajo ka punësuar 35 njerëz ashtu edhe në Poloni. Tani, në prag të Brexit, ajo është duke krijuar një zyrë në Dublin për t’u mbrojtur kundër çdo ndryshimi të mundshëm rregullator. Shumë biznese të tjera fintech dhe financiare pritet të ndërmarrin hapa të ngjashëm për të përballuar Brexit.

Historia personale e Krupinska thekson se Brexit nuk përfaqëson vetëm një sfidë të mundshme operacionale për bizneset në Mbretërinë e Bashkuar. Shumë firma teknologjike me një ritëm të shpejtë në Britani janë themeluar nga emigrantët apo kanë personel emigrantët, shumica e tyre nga vendet e Bashkimit Europian. Votimi i vitit të kaluar për t’u larguar nga BE shihet nga disa si një shenjë se ata nuk janë të mirëpritur.

Krupinska tha për Business Insider se: “Në fund të fundit shumë prej nesh emigrantë që vijmë në Britaninë e Madhe jo vetëm krijojmë biznese, ne krijojmë shtëpi, ne ndërtojmë familje dhe kemi nevojë që këto gjëra t’i vendosim së bashku si biznesin ashtu dhe jetën personale.

Krupinska u takua me të fejuarin e saj, një burrë britanik-indian, në Londër dhe ajo thotë se gjithmonë është ndjerë shumë e mirëpritur dhe nuk ka përjetuar ndonjëherë diçka të keqe aty.

Por i fejuari i saj ka vënë re një ndryshim.

“Ai ka lindur në Londër, ka jetuar këtu gjithë jetën e tij,” thotë ajo. “Ai thotë se Londra, në të cilën jeton, në vitet e fundit është më pak miqësore se ajo në të cilën ka jetuar tërë jetën e tij.”

Kryeministrja Theresa May e ka bërë të qartë se kontrolli i emigracionit është një prioritet kyç në negociatat e Brexit dhe qeveria është e gatshme të heqë dorë nga qasja në tregun e vetëm të BE-së për të marrë kontrollin.

Por Krupinska beson se kjo pengesë e emigracionit të BE-së do të dëmtojë ekosistemin në rritje për startup-et e Britanisë. Ajo thotë: “Natyra e sipërmarrësit është se ata vijnë nga vende ku nuk kanë një punë, nuk kanë të ardhura dhe janë aty për të nisur biznese dhe për t’u dhënë punë vetes dhe njerëzve të tjerë.”

Azimo, për shembull, ka tërhequr mbi 40 milionë $ investime. Ajo ngriti 15 milionë $ majin e kaluar nga një fond japonez – para, të cilat nuk mund të investohen në Britaninë e Madhe.

Krupinska shton: “Duke mos pasur qasje në atë pishinë talentesh mendoj se do të ndikojë shumë keq për komunitetin startup në Londër.”

Qasja në talente pas Brexit ishte një nga shqetësimet më të mëdha në mesin e sipërmarrësve në prag të votimit të Brexit. Frika nuk është zbehur – ajo është ende një nga shqetësimet më të mëdha që dëgjohet kur flasin njerëzit.

A do ta niste Krupinska, Azimo-n në Londër sot, nëse do i duhej ta fillonte atë nga e para?

“Kjo është një pyetje shumë e vështirë. Mendoj se sot do të shikoja më thellë sesa atëherë kur Londra ishte një zgjedhje e qartë. Po të ishte për sot do të konsideroja opsione të tjera.”

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0