Rregullatori rus i medias ka njoftuar se do të bllokojë platformën popullore të lojërave online Roblox, duke e akuzuar atë për shpërndarje përmbajtjesh që “justifikojnë terrorizmin” dhe që lidhen me komunitetin LGBT.
Sipas mediave ruse, Roskomnadzor deklaroi të mërkurën se Roblox përmban “thirrje për krime të dhunshme dhe propagandë LGBT” dhe se është mbushur me “përmbajtje të papërshtatshme që mund të ndikojë negativisht te zhvillimi shpirtëror dhe moral i fëmijëve”. Institucioni shtoi se në platformë gjenden shpesh skenarë që simulojnë sulme terroriste, si edhe elementë të lojërave të fatit.
Roblox, që u lejon përdoruesve të luajnë, të bisedojnë dhe të ndërveprojnë me miliona njerëz në një botë virtuale, reagoi duke thënë se kompania respekton ligjet dhe rregulloret e vendeve ku operon. Një zëdhënës i saj theksoi se “Roblox ofron një hapësirë pozitive për të mësuar, krijuar dhe për t’u lidhur në mënyrë domethënëse me të tjerët”.
Lexo edhe: Katar po teston “rrugët blu” në Doha për të luftuar nxehtësinë urbane
“Ne kemi një angazhim të thellë për sigurinë dhe aplikojmë masa të fuqishme parandaluese për të zbuluar dhe ndalur përmbajtjen e dëmshme në platformë”, thuhet më tej në deklaratën e dërguar për Euronews Next.
Rregullatori rus pretendon gjithashtu se ka raportime për ngacmim seksual ndaj fëmijëve dhe shpërndarje të imazheve intime brenda platformës.
Roblox është ndaluar edhe në vende të tjera, përfshirë Turqinë, Iranin dhe Kinën, për shkak të shqetësimeve mbi sigurinë e fëmijëve.
Kompania njoftoi këtë muaj se do të ndalojë komunikimin mes fëmijëve dhe të rriturve të panjohur në platformë, pas kritikave mbi funksionet e saj të rrjetëzimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
