Një ditë, edhe pse jo kaq shpejt, por më shpejt se ne mund të imagjinojmë, telefonat e mençur do të zhduken, në të njëjtën mënyrë siç janë zhdukur makinat e fax-it.
Edhe pse jemi të paktën një dekadë larg nga ajo ditë, bazat për zhdukjen e sigurtë të smartphone-ëve tashmë i kanë vënë Elon Musk, Microsoft, Facebook, Amazon dhe qindra e mijëra biznese të reja në mbarë botën. Dhe çfarë do të ndodhë kur ata me të vërtetë nuk do të jenë më …
Nëse e shikojmë një smartphone nga një kënd tjetër, mund të vijmë në përfundimin se ai është, në fakt, pajisja që është formuar plotësisht në modelin e kompjuterëve desktop, sepse ka një monitor, tastierë dhe “mouse” (touch-screen). Smartphone-ët më modernë kanë shumë karakteristika të reja dhe aplikacione, ekran më të mirë dhe kamera, jetën më të mirë të baterisë, pajisje VR, kontrollin me zë, asistentin personal … por ata janë në fakt shumë larg nga diçka krejtësisht revolucionare.
Në anën tjetër, startup-ët e vegjël, por edhe kompani të mëdha çdo ditë hedhin në treg shumë produkte të reja që kanë disa, ose të gjitha, mundësitë që këto pajisje ofrojnë. Edhe pse arrijnë sukses relativisht të kufizuar komercial, mund të pritet që pajisje të tilla si Amazon Echo, Sony PlayStation VR ose Apple Watch do të ketë gjithnjë e më shumë.
Në afat të mesëm, mund të presim që të gjitha këto pajisje “eksperimentale”, dhe teknologji të reja në fazat e hershme të zhvillimit, do të fillojnë të shkrihen në diçka që do të na japë, në thelb, diçka që do të jetë e njohur, por ajo mund dalë diçka krejtësisht e ndryshme .
Për shembull, Microsoft, Facebook, Google, Magic Leap (i mbështetur nga Google), do të punojnë së bashku për një pajisje të veçantë për realitetin virtual, e cila do të jetë në gjendje për të dizejnuar objekte 3D direkt në syrin e njeriut. Ka zëra se Apple është duke punuar në diçka të ngjashme.
burimi: GazetaExpress
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
