Çdo sipërmarrës i suksesshëm duhet të bëjë këtë gjë - Business Magazine Albania

Çdo sipërmarrës i suksesshëm duhet të bëjë këtë gjë


Ka shumë aftësi që duhen zotëruar, por një është shumë e domosdoshme.

Kur jeni duke punuar për një startup apo ndonjë kompani, pritshmëria është që të lëvizni me shpejtësinë e dritës dhe të bëni magjinë të ndodhë. Sipërmarrësit dhe udhëheqësit e startup-eve duhet të bëjnë gjëra që janë shumë të vështira, si psh rritja e kompanisë sa më shpejt të jetë e mundur.

Ka disa aftësi të rëndësishme që çdo themelues biznesi duhet t’i zotërojë. Pasja e një vizioni për të ardhmen, sfidat nga konsumatorët e jashtëm dhe të brendshëm, si dhe përafrimi i çdo punonjësi dhe funksionimi rreth misionit të kompanisë janë të gjitha të rëndësishme për rritjen e një kompanie. Megjithatë, çdo sipërmarrës i suksesshëm bën një gjë shumë mirë. A e dini se çfarë është?

Përgjigja? Prioriteti

Fuqia e prioriteteve nuk mund të nënvlerësohet. E vetmja gjë që më mban të fokusuar në të gjitha çmenduritë që vijnë me drejtimin e një startup-i është vlerësimi i prioriteteve të mia në bazë javore.

Në këtë mënyrë, unë e di që gjithmonë po realizoj diçka që do e bëjë kompaninë të shkojë përpara dhe do ia shtojë vlerën.

Sipërmarrësit e mëdhenj dinë se si t’i përcaktojnë përparësitë. Ata fokusohen në gjërat më të rëndësishme që të jenë të suksesshëm dhe çdo gjë tjetër bëhet plan i dytë. Liderët e suksesshëm mund të mos jenë më të pëlqyerit, më bashkëpunuesit, apo njerëzit më me fat, por ata janë të më të fokusuar në prioritetet e tyre në çdo moment.

Sipërmarrësit e suksesshëm kanë një fokus “maniak” në ditën e tyre, pasi përqëndrohen në ato që kanë vërtet rëndësi për ta dhe çdo gjë tjetër e shohin si një shpërqëndrim.

Me kaq shumë iniciativa, ne kemi nevojë të përcaktojmë përparësitë për ato gjëra që sjellin rritje duke u fokusuar në rezultatin e dëshiruar. Personalisht zgjedh të përqëndrohem në një fushë të caktuar më shumë se në të tjerat në varësi të asaj që është më e rëndësishme në atë moment.

Por ka disa prioritete, të cilat gjithmonë duhet të marrin vëmendjen, si psh lumturia e klientit.

Pa klientët tanë, ne nuk jemi asgjë në biznes. Fokusimi në klientët tanë është forca jonë më e madhe. Dhe nga konsumatorët, nënkuptoj edhe klientët tanë të brendshëm: punonjësit tanë. Njerëzit tuaj, ata që paguani dhe iu paguajnë, duhet të jenë gjithmonë një prioritet i lartë.

Ne të gjithë mund të jetojmë nga parimi i prioriteteve. Duke qëndruar të fokusuar në prioritetet kryesore në fund të fundit do të përcaktojë suksesin e kompanisë dhe suksesin tonë.

burimi: Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0