Bëhu një menaxher i shkathët përmes trajnimeve FALAS nga KosLift!

Bëhu një menaxher i shkathët dhe efektiv përmes trajnimeve online të ofruara FALAS nga KosLift!


KosLift është projekt që ka filluar punën në dhjetor 2018 dhe ka për qëllim të rrisë aftësitë dhe kapacitetet e studentëve, në mënyrë që këta të rinjë të jenë të gatshëm dhe konkurrues në bazë të kërkesave të tregut të punës në Kosovë.

Projekti financohet nga Ambasada Norvegjeze dhe implementohet nga IPKO Foundation në bashkëpunim me RIT Kosovë (A.U.K). KosLift ka për qëllim të mbështesë deri në 1000 studentë të Universitetit të Prishtinës (duke përfshirë edhe universitet tjera publike të vendit) dhe RIT Kosovë (A.U.K), si dhe rreth 60 biznese kosovare në sektorët e energjisë, TIK-ut dhe prodhimit. Deri më tani rreth 300 studentë, 10 biznese dhe mbi 50 mentorë e profesorë kanë përfituar dhe kanë qenë të përfshirë në raundin e parë të projektit.

KosLift përbëhet nga 3 komponentë kryesorë: Trajnimet Online, Trajnimet Profesionale dhe Sfidat e Dizajnit.

– Studentët e regjistruar në kurset online do të kalojnë nëpër fazën e parë të trajnimeve online dhe pas ndjekjes së të gjitha kurseve, do të shpërblehen me diploma të përfundimit me sukses të kurseve online dhe për më shumë do të marrin aftësi bazike për teknikat e zhvillimit dhe hulumtimit. Kurset përfshijnë fusha të ndryshme, duke filluar prej atyre që zhvillojnë aftësitë kritike, kreative, komunikim dhe si duhet të punohet në grupe, deri tek menaxhimi i projekteve, dizajnimi e programimi.

– Faza tjetër e projektit përfshin trajnime profesionale edhe më të detajuara dhe të thelluara në fushat më specifike që studentët i përzgjedhin vetë dhe ato mbahen në lokalet e Laboratorit për Hulumtim dhe Zhvillim në RIT Kosovë (A.U.K). Studentët do të kenë mundësinë të krijojnë produkte të bazuara në konceptet e tyre inovative.

– Faza e tretë përfshin pjesën praktike, ku përmes Sfidave të Dizajnit, studentët do të kenë mundësinë të zhvillojnë idetë e tyre, njëkohësisht duke zgjidhur sfida të bizneseve vendore. Në të njëjtën kohë, për të realizuar këto ide dhe projekte, studentët do të kenë mundësi që të fitojnë deri në 2,000 euro. Dhe në fund, studentët më të suksesshëm dhe ambiciozë do të fitojnë punë praktike me pagesë në kompanitë përkatëse me të cilat kanë bashkëpunuar.

Bëhuni pjesë e trajnimit për menaxher,  certifikohuni nga IPKO Foundation dhe RIT Kosovo dhe rrisni mundësitë tuaja për punësim.

Aplikoni KËTU.

Shfletoni listën e plotë të trajnimeve online në www.koslift.org/online-training/

Aplikimi i nisur më 2 shtator 2019, do të qëndrojë i hapur deri më 13 tetor 2019 dhe të drejtë aplikimi kanë të gjithë studentët e regjistruar si në nivelin Bachelor ashtu edhe Master. Për më shumë detaje vizitoni web-faqen e projektit www.koslift.org.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0