Arion Kurtaj, 18-vjeçari që hakoi sistemet e GTA 6, ka një mesazh! - Business Magazine Albania

Arion Kurtaj, 18-vjeçari që hakoi sistemet e GTA 6, ka një mesazh!

Lajme
1103

Një haker shqiptar 18-vjeçar që i shkaktoi 8 milionë euro dëm kompanisë që prodhon video-lojën Grand Theft Auto, është zotuar se do t’i kthehet krimit kibernetik kur të lirohet nga burgu.

Arion Kurtaj kishte vjedhur kodet dhe pamjet e video-lojës ende të pa lansuar GTA 6 që zhvillohet nga Rockstar Games.

Hakeri shqiptar në Britani, një anëtar kyç i grupit të krimit kibernetik Lapsus$, shantazhoi gjithashtu firmën e telekomit BT/EE, duke kërkuar shpërblim prej 4 milionë dollarësh.

Arion Kurtaj, 18-vjeçari që organizoi sulmet kibernetike ndaj Uber, Microsoft dhe GTA6 si pjesë e grupit Lapsus$

Së bashku me një 17-vjeçar, emri i të cilit nuk përmendet, hakuan prodhuesin e çipave kompjuterik NVIDIA, kompaninë Uber dhe bankën online Revolut, midis korrikut 2021 dhe shkurtit 2022.

Një juri e dënoi Kurtajn nga Oksfordi, për 12 vepra të ndryshme pas një gjurmimi shtatë-javor në gusht.

Megjithatë, tani në një seancë dëgjimore u raportua se 18-vjeçari donte t’i rikthehej jetës së krimit pasi të lirohej nga burgu, sipas deklaratës së psikiatres së tij.

Adoleshenti, i cili ka qenë në paraburgim që nga shtatori i vitit të kaluar, u shfaq në seancën e tij të fundit gjyqësore përmes një video-lidhjeje nga qendra e paraburgimit për të mitur Feltham.

Personi tjetër që akuzohet me të, u dënua gjithashtu për kryerjen e një akti të paautorizuar në lidhje me hakerimin, mashtrimin dhe shantazhin ndaj Nvidias. Ai kishte pranuar fajin për dy vepra.

Gjyqtarja Patricia Lee do të dënojë të dy në Gykatën e  Southwark më vonë, por tha se Kurtaj do të ndalohet sipas Aktit të Shëndetit Mendor.

Lee lëshoi një urdhër të përkohshëm që Kurtaj të monitorohet për 12 javët e ardhshme për trajtim spitalor dhe psikiatrik, pasi sipas saj dyshohet se ai vuan nga çregullimet mendore.

“Mund të jetë e përshtatshme atëherë që të bëhet një urdhër spitali”, tha ajo.

Sipas lëndës, hakimet që ishin bërë në Rockstar, Nvidia dhe Uber kishin dëme me miliona.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Tags:
Më të lexuarat
Nga kategoria
Must watch
Business Mag Nr. #36 - Tetor 2024

Vjeshta solli rikthimin e aktiviteteve biznesore në ritmin e tyre të plotë, pas pushimeve të verës. Sipërmarrjet shqiptare, me dinamikat e tyre të pandalshme, janë aktualisht para një sfide dhe mundësie më të madhe. Proceset e përafrimit me BE-në krijojnë një mundësi për një treg më të madh, por kjo kërkon njëkohësisht përgatitjen të duhur për tregun.

Eventet e fundit, veçanërisht Future2Tech, tregoi se shumë kompani shqiptare, kryesisht në fushën e zhvillimit të Softwareve, po punojnë tashmë për tregun e huaj dhe janë kompani ndërkombëtare në kuptimin e plotë të fjalës. 

Në brendësi të këtij numri ne kemi sjellë histori brandesh dhe histori njerëzore; histori sipërmarrësish dhe profesionistësh, të cilët kanë investuar kohë dhe pasion në punët e tyre për të parë rezultatet që duken sot. Një prej brandeve për të cilin flasim sot, mbyll 3 dekada biznes në Shqipëri, diçka që vlen të marrë përgëzime nga të gjithë. 

Histori nga vendi dhe diaspora, rrugëtime në tregti, shërbim, apo edhe konsulencë, ky numër sjell një gamë të gjerë artikujsh, të shtrirë madje mes biznesit dhe artit, të cilat, kur ndërthuren, sjellin zhvillime shumë të bukura për shoqërinë.

Interesant është fakti se kushdo që …

Shiko më shumë
Na ndiqni në rrjetet sociale
0