Aplikimet për investime në agroturizëm kanë 10 ditë afat për lejen e ndërtimit, sipas udhëzimit - Business Magazine Albania

Aplikimet për investime në agroturizëm kanë 10 ditë afat për lejen e ndërtimit, sipas udhëzimit

agroturizëm

Sipërmarrjet që kanë aplikuar dhe janë përzgjedhur për t’u mbështetur me financim nga fondet e ministrisë së Bujqësisë dhe Zhvillimit Rural për investime në agroturizëm në rastin e ndërtimeve apo rikostruksioneve sipas legjislacionit në fuqi kanë edhe 10 ditë afat për të siguruar lejen përkatëse të ndërtimit në varesi të investimit.

Sipas udhëzimit leja duhet të sigurohet para lidhjes së kontratës, por jo më vonë se data 30 Shtator 2021.

Mosdorëzimi i lejës së miratuar brenda këtij muaji përbën kriter skualifikues. Investimi nuk duhet të fillojë para lidhjes së kontratës dhe dorëzimi i dokumentave përtej afatit të përcaktuar është kriter skualifikimi, me përjashtim të lejes së ndërtimit.

Masat që kërkojnë leje ndërtimi apo rikonstruksioni janë ato për ngritjen ose rikonstruksionin e ambienteve për veprimtari të turizmit rural nga 6 – 10 dhoma dhe për investime në agroturizëm kundrejt planit të biznesit ku financohet 50% e vlerës totale të faturave tatimore, por jo më shumë se 5- 10 milionë lekë për subjekt.

Lexoni: Agroturizëm Gjepali, oazi i traditës

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0