Noam Bardin CEO i Waze: "Ne mund ta bëjmë trafikun të mos ekzistojë më" - Business Magazine Albania

Noam Bardin CEO i Waze: “Ne mund ta bëjmë trafikun të mos ekzistojë më”


Çfarë bëni kur aplikacioni juaj për trafikun nuk mund të bëjë më asgjë? Sipas Noam Bardin CEO i Waze, të gjitha “mënyrat e shpejta” janë maksimalizuar. Bardin deklaroi se e vetmja mënyrë për të vazhduar luftën me trafikun është zvogëlimi i numrit të makinave në rrugë. Ai e bëri të qartë duke treguar një video në lidhje me një produkt të ri, “Waze Carpool”.

Waze është një aplikicion mobile për trafikun, të cilin shoferët kanë më shumë se 7 vite që po e përdorin. Bardin është bërë pjesë gjatë vitit të parë dhe ka drejtuar kompaninë që nga ajo kohë. Gazetari i Wall Street Journal, Jack Nicas intervistoi Bardin në konferencën e Startup Grind Global. Shihni më poshtë videon e plotë dhe një përmbledhje të kësaj interviste.

“Nëse ju mund t’i bindni drejtuesit e makinave që të lënë makinat e tyre në shtëpi, atëherë ne me të vërtetë mund të çlirohemi nga trafiku.” Pika kryesore e videos i kujtoi audiencës se shumica e makinave kanë një ose më shumë vende të papërdorura. Falë Uber dhe Lyft, sfida sociale për të hipur në makinën e një të huaji është më pak se një sfidë tani.

Ajo çfarë Waze Carpool do të donte të bënte është tranziti pikë-për-pikë për kosto si transporti publik. Carpool do të jetë më i përshtatshëm, sepse është i drejtpërdrejtë. Waze Carpool nuk është një tjetër shërbim taxi-je. Aplikacioni është projektuar në mënyrë që shoferët të mund të bëjnë para për vetëm dy xhiro në ditë, kur shkojnë në punë dhe kur kthehen në shtëpi. Pasagjerët i ndajnë kostot me shoferin. Bardin theksoi “Nëse ju gjithsesi do e ngisni makinën, do të thotë para falas.”

/Artikulli u publikua më parë në faqen 38 të numrit 13 të revistës Business Magazine Albania. Ju mund të Shfletoni Këtu nr. 13 të saj.

 “Ju mund ta shpëtoni botën pa shumë zhurmë dhe të fitoni pak para, ndërsa po e bëni atë.”

Bardin listoi disa iniciativa që të jenë pjesë e Waze Carpool si një pasagjer:

1. Makinat janë të shtrenjta dhe jo të gjitha zonat kanë transport publik.

2. Kurseni kohë.

3. I lejon njerëzit të ndihmojnë njerëz të tjerë.

Pika e fundit është veçanërisht e rëndësishme. Njerëzit nuk po ndihmojnë vetëm njerëz të tjerë, ata po ndërtojnë mikrokomunitete. Aplikacioni madje inkurajon drejtuesit që të marrin të njëjtit njerëz. Bardin përmendi se ka disa raste ku ju mund të takoni njerëz, të cilët nuk janë nga puna apo rrethi juaj. Kur merrni të njëjtit njerëz, të cilët jetojnë dhe punojnë afër jush, kjo çon në krijimin e mikro-komuniteteve.

Krijimi i mikro-komuniteteve

Deri më sot, Waze ka 80 milionë përdorues që përfaqësojnë numrin e shoferëve. Bardin dëshiron që disa prej këtyre shoferëve të Waze të bëhen pasagjerë. Carpooling ka qenë bezdisës për t’u lundruar. Bardin deklaroi se Carpooling ka qenë diçka e inkurajuar që nga 1950-ta. Shoferët e Waze tashmë e kuptojnë vlerën e aplikacionit. Masa e suksesit për Carpooling është shuma e ruajtjes. Si pjesë e Google, ata kanë patur luksin e harxhimit të kohës së tyre me testimin e Waze Carpool. A do të ketë ajo sukses?

Konkluzione

Shembulli mund të provojë se sa e madhe është nevoja. Bardin ka marrë një email nga kryetari i një qyteti të vogël në Ohio, pasi ai kishte lexuar një artikull në Wall Street Journal në lidhje me Waze Carpool. Në e-mail, kryetari i komunës ka kërkuar që qyteti i tij të jetë qyteti pilot. Me një popullsi prej 83,000 banorësh dhe pa transport publik, Bardin komentoi se ky është qyteti që ai dëshiron të ndihmojë.

Ndryshe nga Silicon Valley, qytetet e vogla nuk ofrojnë shumë opsione. Për më tepër, kur ka shumë vende pune në një fabrikë, transporti publik nuk është i mjaftueshëm. Waze Carpool mund të sjellë së bashku njerëz, të cilët tashmë janë duke bërë udhëtime të përditshme.

Waze Carpool mund të jetë burimi për të udhëtuar në mënyrë më efikase dhe të lirë.

/Artikulli u publikua më parë në faqen 38 të numrit 13 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 13 të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0