Apple planifikon të investojë 500 milionë $ për qendra të reja kërkimi në Kinë - Business Magazine Albania

Apple planifikon të investojë 500 milionë $ për qendra të reja kërkimi në Kinë

~3 minuta lexim


Apple është duke u përpjekur të tërheq talente lokale duke ndërtuar qendra të reja kërkimore në mbarë botën. Kompania sapo ka lajmëruar në faqen e saj kineze që do të ndërtojë dy qendra të reja R&D në Shangai dhe Suzhou.

Ky do të jetë një investim i rëndësishëm ku Apple planifikon të shpenzojë 3.5 miliardë juan, ose pak më shumë se 500 milionë $. Kompania tashmë kishte lajmëruar për qendra kërkimore të reja në Pekin dhe Shenzhen, kështu që do të ketë katër qendra në total në Kinë. Apple gjithashtu ka grupe kërkim-zhvillimi në Francë, Izrael, Mbretërinë e Bashkuar, Japoni dhe Suedi.

Apple ka thënë se disa inxhinierë të kompanisë do të punojnë në përmirësimin e zinxhirit të furnizimit. Shumica e produkteve të Apple janë prodhuar në Kinë. Dhe disa prej inxhinierëve më të mirë elektronikë në botë të cilët mund të ndihmojnë për të transportuar dhjetëra miliona pajisje në vit gjithashtu jetojnë në Kinë.

Kjo pasi mund të jetë më e lehtë për të punuar me protokollet e shtetit të Kinës me një ekip lokal në Kinë. Apple duhet të sigurohet që pajisjet e saj të punojnë në të gjitha rrjetet kineze.

Pra, duket logjike që Apple do të shkojë përtej bashkëpunimit me firmat lokale në Kinë, duke krijuar qendrat e veta kërkimore. Në këtë mënyrë, Apple ka një ”këmbë” në terren dhe merr më të mirat në të dy botët.

Si një efekt anësor, Apple tregon se është e gatshme për të investuar në ekonominë kineze. Kjo është një mënyrë shumë e mirë për të bindur qeverinë kineze që të meritosh favore.

Apple tashmë ka shumë dyqane të ndryshme në Kinë. Apple është edhe krijues i katër smartphone-ëve në Kinë pas Oppo, Huawei dhe Vivo. Kina është një treg kyç për Apple dhe qendrat e reja të kërkimit që do të ndërtohen e provojnë edhe një herë.

Burimi: techcrunch.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0