Të hënën Apple Inc lançoi iPhone-in e tij më pak të shtrenjtë, iPhone SE 399$, duke mbushur hendekun në linjën e tij të produkteve me ekran të vogël që targeton konsumatorët e rinj në tregjet e reja dhe ata që pëlqejnë telefona më të vegjël, një përpjekje e kompanisë kjo për të rikthyer shitjet e telefonave.
Lançimi i mbajtur në kompaninë teknologjike në Cupertino, Kaliforni dhe jo në një auditor të gjërë në San Francisco, nuk habiti as ekspertët e teknologjisë, as investitorët.
“Ka njerëz të cilët duan një telefon me masë më të vogël të ekranit,” ka thënë Bob O’Donnell i TECHnalysis Research. “Kur ke nevojë të rrisësh tregun duhet të bësh një shkurtim në çmim,” pavarësisht se ai ngre pyetjen nëse çmimi është i ulët mjaftueshëm për të gjeneruar kërkesë domethënëse.
Apple po shpreson se modeli më i lirë do të stimulojë në përgjithësi shitjet e iPhone, të cilat pritet të bien këtë tremujor në mënyrë të ndjeshme për herë të parë që kur telefoni u krijua para 9 vitesh.
Modeli i ri gjithsesi nuk zbut shqetësimet e Apple, e cila feston përvjetorin e 40-të më 1 Prill.
“Apple është kaq e madhe tani saqë asgjë nuk duket sikur do ta befasojë më shumë botën dhe strategjia duket se po i kthehet ofrimit të produkteve plotësuese si rripat e orave, në mënyrë që të mbahen shitjet e momentit,” ka thënë Skip Aylesworth, menaxheri i portofolit i Hennessy Technology Fund.
Kompania prezantoi një rrip dore për Apple Watch dhe një tablet iPad pro, në eventin e së Hënës, dhe një robot të quajtur Liam për mbledhjen e iPhone-ave të vjetër dhe ripërdorimin e materialeve.
Por asnjëra nga këto lëvizje gjeneroi shumë entuziazëm ndërmjet investitorëve. Që prej vlerës më të lartë të regjistruar të aksioneve prej 133$ në Shkurt 2015 kompania po përjeton një rënie prej 20% në çmimin e aksioneve të saj.
iPhone SE me ekranin 4-inç ka të njëjtën masë si iPhone 5C, i cili dështoi dhe nuk është më i disponueshëm për shitje në dyqanet Apple. iPhone 6S, i cili më parë kishte ekranin më të vogël të gjeneratës së 6-të, është 4.7 inç.
Telefoni i tij ka një kamerë prej 12 megapiksel dhe çmimi nis nga 399$ për memorien 16 GB.
Megjitatë, kompania pritet të lançojë iPhone 7, në fund të vitit.
Cook mbron privatësinë
Para lançimit, shefi ekzekutiv i Apple, Tim Cook bëri rolin e avokatit të fortë të kompanisë për të dhënat e konsumatorëve të tij si një qytetar i mirë i korporatës me deklaratat për përpjekje të reja për rigjallërimin e programeve për aplikacionet e mobile, të cilat njerëzit mund t’i përdorin për të menaxhuar kushtet shëndetsore.
Ndërkohë, ai edhe njëherë përsëriti refuzimin për të bashkëpunuar me qeverinë amerikane për të shkyçur iPhone-in që i përkiste njërit prej qëlluesve të masakrës së San Bernardino, KALIFORNI.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
