Kompania Motorola ka tërhequr vëmendjen e industrisë së teknologjisë pas prezantimit të modelit të saj më të ri “motorola Signature”, i cili është vlerësuar për performancën e kamerës.
Sipas raportimeve, pajisja është vlerësuar nga DXOMARK, një nga platformat më të njohura globale për testimin e kamerave, duke e pozicionuar modelin mes telefonëve me performancë të lartë në fotografi dhe video.
Lexo gjithashtu: Alarm për përdoruesit e iPhone, një mjet i ri hakerimi mund t’ju vjedhë gjithçka nga telefoni
Smartphone-i vjen i pajisur me katër kamera 50 MP, përfshirë lente telefoto periskopike dhe ultra të gjerë, si dhe një kamerë të avancuar për selfie. Sensorët e përdorur janë nga seria Sony LYTIA, të njohur për cilësinë e lartë të imazhit dhe përpunimin e avancuar të dritës dhe ngjyrave.
Ekspertët e teknologjisë vlerësojnë se ky model përfaqëson një rikthim të fortë të Motorola-s në segmentin premium, duke konkurruar me markat kryesore në treg për sa i përket cilësisë së kamerës.
Paralelisht, kompania ka prezantuar edhe një ofertë promocionale për blerësit e parë, duke përfshirë aksesorë si orë inteligjente, kufje dhe pajisje gjurmimi, në një paketë të integruar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
