“Vetëm disa momente përpara se Mira Murati, shefe e lartë e teknologjisë të OpenAI, do na takojë në një dhomë konference në zyrat qendrore të kompanisë në San Francisko, një tjetër ekzekutiv largohet nga këto hapësira, bashkëthemeluesi dhe drejtori ekzekutiv Sam Altman”, fillon shkrimin e saj Fortune, magazina amerikane për biznes.
Njeriu i revolucionit të inteligjencës artificiale hyn nga një dhomë tjetër, mbledh gjërat e tij të cilat, në masë të madhe, përbëhen vetëm nga një laptop dhe largohet në heshtje, duke i hapur rrugën Muratit për të marrë në qendër skenën” vazhdon tutje shkrimi.
Është Altman i cili është zakonisht fytyra publike e kompanisë më të njohur në inteligjencën artificiale, në fakt ai së fundmi kishte fluturuar nga Uashington D.C, nga bisedimet me Kongresin mbi rregullimin e teknologjisë. Më pak e njohur, por po aq vendimtare për ngritjen e OpenAI, është Murati, e cila shpesh qëndron jashtë vëmendjes
Murati, 34 vjeçare, është ekzekutivja e cila menaxhon chatbot-in e popullarizuar ChatGPT e gjithashtu edhe DALL-E, një sistem i inteligjencës artificiale që krijon art nga teksti produkte të cilat i kanë dhënë shtytje OpenAI-së e cila kishte startuar tetë vite më parë si një laborator kërkimor jofitimprurëse.
Pas lansimit të ChatGPT në nëntorin e vitit 2022, chatbot-i mblodhi mbi 100 milionë përdorues aktiv mujor në vetëm dy muaj, duke u bërë aplikacioni i konsumatorit me rritjen më të shpejtë në histori. Dhe ndërsa këto produkte vazhdojnë të evoluojnë, ndonjëherë si përgjigje ndaj gabimeve të sikletshme apo edhe shqetësuese, është Murati ai që është gjithnjë e më shumë përgjegjës për të shpjeguar përsëritjet më të fundit për një publik që mund të duket i tej-përshtatur me çdo përparim dhe hap të gabuar.
Në të vërtetë, OpenAI-t i është besuar se ka sjellë në mënyrë të vetme evolucionin më të fundit të teknologjisë – të ashtuquajturën inteligjencën artificiale gjeneruese. E gjithë kjo vëmendje po përkthehet gjithashtu në dollarë të vërtetë. Ndërsa vlerësohet se rritja e ChatGPT me konsumatorët është ngadalësuar muajt e fundit, përdorimi midis klientëve të korporatave po lulëzon.
Fortune ndër të tjera shkruan “Ne u ulëm me Muratin sapo Altman doli nga dhoma për të mësuar më shumë rreth rrugës së saj drejt OpenAI, sfidat me të cilat kompania duhet të përballet ndërsa produktet e saj integrohen kudo, plus versionet më të fundit të DALL-E dhe veçoritë e reja brenda ChatGPT, të cilat do të përfshini komandat zanore për herë të parë – një lëvizje që mund ta bëjë përsëritjen e radhës të AI gjeneruese edhe më miqësore për përdoruesit dhe ta sjellë atë dhe krijuesit e saj një hap më afër pranisë së gjithëmbarshme”.
Kur u pyet se cilat janë rastet më të mira të përdorimit që ti po i sheh me DALL-E dhe veçanërisht me versionin e ri, DALL-E 3, Murati u përgjigj duke thënë:
Ne thjesht e vendosëm atë në vrojtimin paraprak të kërkimit, kështu që ne ende duhet të shohim se si njerëzit do ta përdorin atë më gjerësisht. Dhe fillimisht, ne ishim mjaft të fokusuar se cilat janë të gjitha gjërat që mund të shkojnë keq”.
“Por për sa i përket rasteve të përdorimit të mirë, mendoj se ka përdorime kreative. Ju mund të bëni diçka vërtet të personalizuar—si p.sh. nëse fëmija juaj i pëlqen vërtet bretkosat dhe ju dëshironi të bëni një histori për të, në kohë reale, dhe më pas ai mund të kontribuojë në histori. Pra, ka shumë kreativitet dhe bashkë-krijim. Dhe pastaj mendoj se në vendin e punës, idetë e prototipit mund të jenë shumë më të lehta. Kjo e bën ciklin e hershëm përsëritës të ndërtimit shumë më të shpejtë”, shtoi ajo në përgjigjen e saj
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
