Apple njihet për çmimet e larta dhe modeli i tyre i fundit i celularit nuk bën përjashtim. iPhone 15 Pro Max shitet në Shtetet e Bashkuara për 1,199 dollarë (1,131 euro). Çmimi i kësaj pajisjeje në Evropë është dukshëm më i lartë.Në faqen e Apple është bërë e ditur se në eurozonë kushton edhe mbi €1131.74 euro, që është nëntë për qind më shumë se çmimi i vitit të kaluar i celularit të Apple. Megjithatë, çmimet në Kontinentin e Vjetër ndryshojnë nga vendi në vend, por të gjitha janë dukshëm më të larta se në SHBA.
iPhone 15 Pro Max kushton 1,479 euro në Francë, 1,449 euro në Gjermani dhe 1,489 euro në Itali. Dhe modeli bazë i iPhone 15 është më i shtrenjtë në Evropë sesa në SHBA. Në Amerikë është 800 dollarë (754 euro), ndërsa në Francë 969 euro, në Gjermani 949 euro dhe në Itali 979 euro.
Në SHBA, TVSH-ja llogaritet pas blerjes. Norma e TVSH-së ndryshon sipas shtetit të SHBA-së, duke filluar nga 2.9 në 7.25 për qind, raporton euronews.
Pra, TVSH-ja për iPhone 15 Pro Max në Uashington është 6 për qind ose 71,94 dollarë (67,90 euro). Në Los Angeles, është 113.91 dollarë (107.52 euro). Megjithatë, blerësi i këtij celulari në Los Angeles do të kursejë 239.74 euro, krahasuar me blerësin e të njëjtit celular në Francë.
Diferenca e madhe e çmimeve midis SHBA-së dhe Evropës nuk është unike për modelin e fundit të telefonit celular të Apple. Kur iPhone X doli në shitje në vitin 2017, përdoruesit e Twitter bënë shaka se do të ishte më lirë të shkosh në SHBA dhe ta blesh këtë telefon sesa ta blesh atë në Evropë.
Megjithatë, edhe ata që do të shkonin realisht në SHBA për të blerë këtë celular, do të duhej të paguanin detyrime doganore pas kthimit në vendin e tyre. Për shembull, tarifa doganore për francezët që blenë iPhone 15 Pro Max në SHBA do të shkonte në 200 euro. Kështu që evropianët nuk kanë se si të kalojnë më lirë.
Në vitin 2016, Apple njoftoi se formimi i çmimit ndikohet nga një sërë faktorësh, si kursi i këmbimit, ligjet e vendeve që rregullojnë importet, praktikat e biznesit, taksat dhe kostot e biznesit. Pavarësisht çmimeve të larta, suksesi i Apple nuk është dëmtuar. iPhone zë një të katërtën e shitjeve të smartfonëve në Bashkimin Evropian, duke ia kaluar Samsungut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
