1. Ndaloni së punuari shumë orë
Sipas Indeksit Wells Fargo / Gallup, 57% e pronarëve të biznesit në SHBA punojnë gjashtë ditë në javë dhe më shumë se 20% e tyre punojnë shtatë ditë në javë. Ky nivel i përpjekjeve nuk është i qëndrueshëm dhe do vijë një moment ku ju do të jeni të lodhur fizikisht dhe mentalisht. Në vitin e ri përqëndrohuni të punoni në detyra me vlerë të lartë dhe shmangni detyrat që nuk iu çojnë gjëkundi.
Lexoni: Ndrysho zakonet dhe ji më produktiv. Ja 10 ide për këtë
2. Ndaloni së kontrolluari Email-et
Për të dhënë më të mirën tuaj, ju keni nevojë për ndërprerje të punës në të cilën nuk merrni diçka të vlefshme. Kuptoni se email-i është fiksues dhe kur ju i përgjigjeni një email-i, ka gjasa të vazhdoni të përgjigjeni gjithnjë e më shumë. Ruajeni kohën tuaj me mençuri dhe mos e kontrolloni email-un tuaj çdo 5 minuta gjatë gjithë ditës.
3. Ndalo Mikro-menaxhimin
Në thelbin e mikro-menaxhimit është mungesa e besimit. Dhe kjo nuk do të thotë gjithmonë se është faj i punonjësit. Kjo mund të nënkuptojë që si pronar biznesi, dyshoni në aftësinë tuaja për të punësuar dhe trajnuar punonjësit tuaj siç duhet. Kështu që ju ndjeni nevojën për të parë çdo lëvizje të tyre. Ose ndoshta nuk besoni në aftësinë tuaj për të deleguar projekte, kështu që ju rrini duke u përpjekur që t’u jepni udhëzimet e duhura për të përfunduar projektin. Si një udhëheqës, është e domosdoshme që ju të besoni në anëtarët e ekipit që punësoni.
4. Ndaloni së punësuari njerëzit e gabuar
Hapi i vetëm më i rëndësishëm i punësimit për të rritur shanset për të bërë një punësim të suksesshëm është të kuptoni saktësisht se çfarë kërkoni. Punësoni personat për nevojat që kompania juaj ka. Mos i lejoni vetes që të punësoni persona të papërshtatshëm që nuk bëjnë punën e tyre.
5. Ndaloni së qeni shumë të shqetësuar
Pushojeni zërin shqetësues në kokën tuaj duke bërë pyetjet e mëposhtme.
Çfarë ka më shumë rëndësi?
Për hir të kujt?
Sa është mjaftueshëm?
Lexoni: 6 zakone të sigurta që do t’ju bëjnë një lider të paharrueshëm sot ose nesër
6. Ndaloni së lëni “para në tavolinë”
Këtë vit praktikoni aftësitë tuaja të negociatave duke u fokusuar në qëllimin përfundimtar. Shumica e pronarëve të biznesit shkojnë deri në tryezën e negociatave pa një ide të qartë të asaj që duan të arrijnë në fund të ditës. Ky gabim mund t’ju kushtojë miliona.
7. Mos i bëni gjërat vetëm
Skuadra e duhur e biznesit mund të jetë transformues. Ata mund t’ju ndihmojnë që të shkoni nga një biznes që varet nga pronari në një kompani të pavarur nga pronari shumë më shpejt se sa mund të mendoni. Por kini kujdes kur zgjidhni skuadrën tuaj. Karakteri është ngjitës.
8. Mos e gënjeni veten tuaj
Ajo që është më e rëndësishmja, jini të ndershëm me veten tuaj. Shumica e pronarëve të bizneseve kanë një strategji “të caktuar”, ku thonë se kompania do të investojë kohën, vëmendjen, talentin dhe paratë për të përmbushur qëllimet e saj më të rëndësishme. Kujdes kjo është pjesa “teorike” e krijimit të strategjisë suaj.
Pastaj vjen pjesa e dytë – strategjia aktuale që kompania juaj po ndjek pa marrë parasysh atë që thotë plani juaj strategjik. Kjo pjesë e dytë është praktike, realiteti “në terren” se si vendimet e përditshme të kompanisë suaj vërtet drejtojnë burimet e kompanisë suaj drejt progresit.
Lexoni: Zakonet e dëmshme që ju pengojnë të jeni të suksesshëm
Është akumulimi i të gjitha këtyre vendimeve të vogla rreth asaj që ju dhe ekipi juaj aktualisht investoni kohën tuaj, talentet, vëmendjen dhe paratë që përcaktojnë se cila është strategjia juaj aktuale në botën reale.
burimi: INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
