6 zakone të sigurta që do t’ju bëjnë një lider të paharrueshëm sot ose nesër


Nëse e projektoni veten tuaj në një rol udhëheqës, tani apo në të ardhmen, apo e gjeni veten duke menaxhuar njerëz, tek një lidership i jashtëzakonshëm shfaqen disa shenja të padiskutueshme.

Shumë nga këto karakteristika të udhëheqësit, të cilat përcaktojnë progresin dhe fitimet e kompanisë nuk mësohen saktësisht në shkollat e biznesit dhe nuk janë të modeluara nëpër kompanitë.

Nëse mendoni se karizma, “prani ekzekutive” apo autoritet është rruga e duhur, nuk po flasim për këtë.

Ja 6 tipare të liderit të vërtëtë:

Lidër që nuk druhet ta ketë gabim

Liderët mbresëlënës, nuk janë ata që mendojnë se kanë gjithnjë të drejtë, por kur nuk druhen ta kenë gabim. Ndryshe nga shefat e vetëbindur, që e theksojnë pozicionin e tyre dhe shpërfillin mendimin ndryshe, udhëhëqesi që nuk harrohet, tërhiqet me mirësi kur rezulton se e ka gabim.

Për ta, është më e rëndësishme të gjesh se çfarë është e drejtë, se të jesh i drejtë.

Lider që dëgjojnë më shumë se ç’flasin

Doni të dëgjoni një lider të pasigurt në punë? E lehtë, dëgjoni brengat e tij, maskë për pasiguritë e tij. Udhëheqësit e sigurt e dinë çfarë mendojnë. Ata duan të dinë çfarë mendoni ju. Ata bëjnë pyetje të tilla: si është bërë diçka, çfarë ju pëlqen rreth asaj, çfarë do të donit për të qenë më mirë, më produktivë. Sigurisht ata mund të dinë plot gjëra, por kërkojnë të dinë më shumë nga skuadra e tyre duke dëgjuar idetë, sugjerimet dhe perspektivat e tyre mbi gjërat.

Udhëheqës që përçojnë vëmendje tek të tjerët

Dëshironi rrugën e shpejtë për udhëheqje të paharruar? Ndaloni së kërkuara lavdinë, por sigurohuni që punonjësit po ju ndjekin. Ju e bëni këtë duke ndezur dritën tek ta, duke festuar arritjet e tyre, çka i ndihmon në rritjen e besimit tek vetja dhe rritjen e besimit të tyre tek ju.

Lider që kërkojnë këshilla

Një udhëheqës i paharruar që do të ndiqet në mënyrë besnike, kërkon këshilla e kontribut nga rrethi i tij i besuar. Këtu mund të përfshihen edhe punonjës me vlerë që raportojnë tek shefi. Udhëheqës të tillë e rrethojnë veten me disa mentorë e këshilltarë tek të cilët mund të mbështeten për drejtimin e jetës dhe biznesit.

Lider që u japin pronësi punonjësve

Një lidër i vërtetë investon në marrëdhënie të ngushta, ndërton besim në mënyrë të vazhdueshme, dhe i bën anëtarët e grupit të ndihen sikur po investojnë në biznes. Ky lider u jep punonjësve pronësi dhe e angazhon fuqinë punëtore në mënyre sipërmarrëse.

Kur njerëzit bëhen aksionerë me punën e tyre, si partner në biznes, kënaqësia e punonjësve rritet dhe bëhen ndjekës besnikë.

Lidër që janë mirënjohës për kontributin e të tjerëve

Një lider i paharrueshëm e njerëzor, nuk fluturon asnjëherë vetëm apo luan për emrin në anën e pasme të trikos. Ai gjithmonë i pranon sukseset si një përpjekje të ekipit. E ka prioritet njohjen e punës së njerëzve si në publik dhe privatisht. Një punonjës që e sheh drejtuesin në veprim duke mos kërkuar lavdi për veten, por duke ngritur njerëzit e tij, zakonisht do të jetë më i gatshëm të ndjekë udhëheqësin e tij.

INC

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0