Aksionet e Facebook, të cilat janë dëmtuar nga skandali i të dhënave të Cambridge Analytica, kanë shkaktuar një largim të investitorëve, të cilët shitën aksionet që ranë me gati 5% të Martën. Aksionet e Apple, Amazon dhe Alphabet ranë me afërsisht 2.5%, 4% dhe 4.5% gjithashtu.
Drejtuesit e lartë në këto firma teknologjike, pasuria e të cilave është e lidhur drejtpërdrejt me çmimet e aksioneve të kompanive të tyre, panë fatin e tyre të shkonte dorë për dore me zhytjen në treg.
Lexoni: Mark Zuckerberg thyen heshtjen. Flet më në fund për Cambridge Analytica, por harron të kërkojë falje
Sipas Bloomberg Billionaire Index, vlera neto e tetë individëve më të pasur në botë ranë me mbi 1 miliard dollarë, si rezultat i rënies së aksioneve.
- Jeff Bezos: – 4.64 miliardë dollarë (Amazon)
- Mark Zuckerberg: – 3.08 miliardë dollarë (Facebook)
- Larry Page: – 1.88 miliardë dollarë (Alphabet / Google)
- Sergej Brin: – 1.79 miliardë dollarë (Alphabet / Google)
- Steve Ballmer: – 1.54 miliardë dollarë (Microsoft)
- Warren Buffet: – 1.37 miliardë dollarë (Berkshire Hathaway)
- Jack Ma: – 1.28 miliardë dollarë (Alibaba)
- Larry Ellison: – 1.01 miliardë dollarë (Oracle)
Disa titanë të tjerë të rëndësishëm teknologjikë nuk janë shumë prapa humbjeve të 1 miliardë dollarë në lidhje me një rënie të ndjeshme të pasurisë. Pasuria e themeluesit të Tesla dhe drejtorit ekzekutiv të kompanisë Elon Musk ra me 907 milionë dollarë të martën si rezultat i një rënieje prej 8% të aksioneve të Tesla. Ndërkohë, bashkëthemeluesi i Facebook, Dustin Moskovitz, pa pasurinë e tij brenda një dite të tkurrej me afërsisht 750 milionë dollarë dhe vlera neto e Paul Allen dhe Bill Gates mori secili goditje në rreth 450 milionë dollarë falë rënies prej 4.5% të çmimit të aksioneve të Microsoft.
Ndërsa ishte një ditë e keqe në treg për shumë miliarderë të teknologjisë, ndoshta askush nuk ka pasur 2018-ën më keq se Mark Zuckerberg. Themeluesi dhe CEO i Facebook pati një rënie të vlerës së tij neto prej më shumë se 9 miliardë dollarë brenda dy ditëve nga skandali i të dhënave që përfshiu kompaninë e tij. Ai është tani me më shumë se 10 miliardë dollarë humbje dhe kjo përfaqëson deri më tani humbjen më të madhe për ndonjë nga njerëzit më të pasur në botë.
burimi: Money
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
