3 mënyra se si të veproni kur punonjësit tuaj janë të pakënaqur


Kemi parë shpeshherë revolta të punonjësve të pakënaqur. Një ekzekutiv që merr një vendim që punonjësit nuk e pëlqejnë ose mendojnë se nuk është i drejtë. Fillon me punonjësit që bashkohen përmes bisedave mbrapa dyerve dhe përfundon në një revoltë të plotë të tyre.

Lexoni: Punonjësit kanë frikë t’ju tregojnë të vërtetën?! Ja se si t’i inkurajoni ata

200 punonjës të Google kanë organizuar një ecje për të protestuar ndaj trajtimit të incidenteve të ngacmimeve seksuale të kompanisë, sipas BuzzFeed News. Mënyra se si kompania përgjigjet ndaj kësaj është mjaft thelbësore.

Pra, pyetja është, çfarë duhet të bëni tani si udhëheqës i kompanisë? A do e injoronit atë dhe do të shpresonit që do përfundojë shpejt, apo do ta drejtoni atë me shpresë që të mos dalë jashtë kontrollit? Sido që të jetë, ju rrezikoni ta bëni atë më keq.

BusinessMag në këtë artikull ju sjell tre mënyra se si liderët më të mirë u përgjigjen trazirave:

  1. Para se të merrni ndonjë vendim të nxituar, tregojuni punonjësve tuaj se jeni duke dëgjuar shqetësimet e tyre

Një nga librat e mi të preferuar, “Never Split the Difference: Negotiating as if Your Life Depended on It”, ndan histori se si të negociohet në situata të vështira. Sipas autorit Chris Voss, mënyra më e mirë për të negociuar me ta është duke dëgjuar me dashamirësi kërkesat e tyre. Ky nuk duhet të jetë lajm për askënd, por është çuditërisht e rrallë sa pak njerëz dëgjojnë në këto situata.

Qëllimi i një negociatori është të zbulojë se cili është shkaku i zemërimit të personit tjetër dhe çfarë do ai që të ndodhë në të vërtetë .

Lexoni: 10 shprehje nga liderë biznesi për të frymëzuar punonjësit tuaj

Liderët në këtë situatë nuk janë të ndryshëm. Zbuloni arsyen kryesore të revoltimit të punonjësve tuaj. A është paga? A janë politikat e rritjes në detyrë? A është kjo sepse drejtuesit trajtohen vazhdimisht më mirë se stafi poshtë tyre? Mos dëgjoni vetëm kërkesat, dëgjoni së pari pse ata janë duke u revoltuar.

  1. Përsërisni vizionin e përbashkët që keni për kompaninë dhe merrni drejtimin

Është vërtetuar nga shumë studime se kur punonjësit bien dakord për një vizion të përbashkët, ata janë më produktivë dhe të angazhuar në punën e tyre. Në thelb, ju duhet t’i bëni të punësuarit që të kuptojnë vendimin që keni marrë dhe pse ky ishte vendimi më i mirë për vizionin e përbashkët të kompanisë.

Uluni me grupin e punonjësve të revoltuar dhe flisni për qëllimet tuaja të përbashkëta dhe lejoni që ata të ndajnë mendimet e tyre për qëllimet e kompanisë. Kjo sjell bisedën në vizionin e përgjithshëm të kompanisë dhe jo në taktikat individuale të gjithsecilit.

Sigurisht, ju ende duhet të adresoni arsyen kryesore pse ata janë të revoltuar. Ju nuk mund t’u thoni atyre të qetësohen dhe të anashkaloni problemet e tyre. Kjo nuk ka se si të funksionojë.

Megjithatë, nëse vendimet tuaja nuk përputhen me qëllimet e kompanisë, atëherë gjërat vetëm sa do të përkeqësohen.

  1. Fjalët i merr era. Pranoni problemin dhe veproni menjëherë

Për Google, 200 punonjësit që kanë organizuar këtë janë një nëngrup i vogël i kompanisë, por këta janë vetëm punonjësit që janë të gatshëm të vënë karrierën e tyre në qendër të vëmendjes publike. Kjo nuk është një lëvizje e lehtë për t’u bërë.

Mos harroni, ata janë vetëm organizatorët. Nëse nuk ndërmerren veprime, 200 punonjës mund të kthehen lehtësisht në 1.000 ose 10.000 në një afat kohor shumë të shkurtër. Çfarëdo qoftë ky veprim, ju duhet ta adresoni atë jo vetëm me fjalë, por duhet të ndërmerrni një veprim sa më parë që të jetë e mundur.

Lexoni: Dëshiron të punosh me Jeff Bezos? Ja tre pyetjet që ai u bën punonjësve të rinj

Në rastin e Google, është e qartë se udhëheqësit nuk mund ta injorojnë këtë çështje ose të marrin një qëndrim të ashpër mbi të, sepse mund ta bëjnë më keq. Nëse ata i dëgjojnë, përsërisin vlerat e tyre të përbashkëta për të ardhmen e Google dhe ndërmarrin veprime bazuar në feedback-un e ekipit të tyre, gjëra të mira mund të ndodhin.

burimi: inc

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0