Dhiraj Mukherjee, bashkë-themeluesi i Shazam, është folësi i ri i Spark.me 2018 » Business Magazine Albania – Media Dixhitale dedikuar Sipërmarrjes
Përditësuar së fundmi: 26/03/2018

Dhiraj Mukherjee, bashkë-themeluesi i Shazam, është folësi i ri i Spark.me 2018

Share
nga Anerola Torollari
Mar 26, 2018
Studied at Faculty of Science, Content Editor Biznesi at Business Magazine
lexo me teper >

Ekipi organizues i Spark.me, një nga konferencat më të rëndësishme të internetit dhe biznesit në Europën Juglindore, e cila është caktuar në muajin Maj në datat 26-27 (me një ditë shtesë për workshop-et më 25 maj), në qytetin bregdetar të Budvës, Mali i Zi, sapo ka prezantuar folësin e ri të Spark.me 2018 – Dhiraj Mukherjee, bashkë-themelues i Shazam, i cili u ble nga Apple në vitin 2017 për 400 milionë dollarë.

Në vitin 2000, Dhiraj themeloi Shazam Entertainment, shërbimin e parë të njohjes së muzikës në botë nga pajisjet mobile. Ai ishte drejtor i Shazam në vitet 2000-2003 dhe mori 600,000 pound në financimin fillestar dhe mbi 10 milionë pound në VC në tre raunde. Dhiraj ka qenë mbikëqyrës i Bordit për Shazam që nga viti 2004 dhe është angazhuar në mënyrë aktive në formimin e strategjisë së përgjithshme të produkteve dhe të korporatave.

Njohur nga Financial Times si një nga sipërmarrësit kryesorë të teknologjisë në Europë në vitin 2015, Dhiraj ishte më parë Kreu i Inovacionit Bankar në Virgin Money, ku ishte përgjegjës për zhvillimin dhe zbatimin e produkteve të reja dixhitale bankare, propozimeve dhe partneriteteve. Projektet e fundit përfshijnë udhëheqjen e ekipit përgjegjës për krijimin e produktit të gjeneratës së ardhshme të Virgin Money Digital Bank, që synon t’iu shërbejë 2.2 milionë studentëve në Britani të Madhe.

Duke përdorur përvojën e tij të gjerë, Dhiraj është gjithashtu një investitor aktiv ëngjëll, mentor për startup-et teknologjike në zhvillim dhe këshilltar për firmat e sipërmarrjeve kapitale. Tani Dhiraj është fokusuar në zbulimin e teknologjive në zhvillim, duke ndihmuar inovatorët e korporatave dhe duke mbështetur startup-et “tech for good”.

Organizatorët e Spark.me kanë njoftuar më parë tre folës të Spark.me 2018 – Mark W. Schaefer (një nga strategët më të rëndësishëm të marketingut në botë të medias sociale dhe një konsulent biznesi që blogon në {grow} – një nga pesë bloget më të mira të marketingut në botë) dhe Kerry O’Shea Gorgone (Drejtoreshë e Strategjisë së Produkteve, Trajnuese në MarketingProfs, dhe drejtuese e podcasteve Marketing Smarts), Boyd Multerer (ish inxhinier drejtues për video lojën Xbox, i cili themeloi Xbox Live dhe XNA). Më shumë folës do të shpallen në javët e ardhshme.

Biletat e Spark.me janë në dispozicion në faqen zyrtare të konferencës. Çmimi i plotë i biletës është 300 €. Megjithatë, të gjitha palët e interesuara mund të përfitojnë nga ulja e çmimit të biletave dhe ta marrin atë për vetëm 200 €, para datës 1 Prill. Studentët e shkollave të mesme, studentët në universitet, në studime pasuniversitare dhe PhD të cilët janë 27 vjeç ose më të rinj mund të marrin biletën e tyre për një çmim special prej 50 €.

Biletat e konferencës Spark.me përfshijnë: të gjitha sesionet e konferencës (26-27 Maj), seminaret dhe workshopet (25 Maj), drekën në të dy ditët e konferencës, të gjithë “coffee breaks” në të dy ditët e konferencës dhe një pritje koktejli në mbrëmjen e ditës së 26 të konferencës. Bileta nuk përfshin akomodimin dhe transportin. Të gjitha biletat e blera më vonë mund të transferohen tek një person tjetër (“ndryshim emri”), por nuk mund të kthehen.

Spark.me, një nga konferencat më të rëndësishme të biznesit / internetit në Europën Juglindore, do të mbahet në datat 26-27 Maj, 2017, në Hotel Mediteran, në qytetin bregdetar të Budvës, Mali i Zi. Këtë vit, Spark.me ka përgatitur diçka të re – një ditë shtesë për workshop-et e marketingut dhe startup-et më 25 maj, të cilat janë plotësisht falas ata që kanë biletën e konferencës. Konferenca është organizuar çdo vit që nga viti 2013, nga Domain.ME, një kompani private që është në ngarkim të domain-it kombëtar të internetit të Malit të Zi – .ME.

Spark.me sjell histori nga zgjidhjet teknologjike më inovative, modele të reja të biznesit, strategji angazhimi të markave, iniciativa për ndryshimin e botës dhe bashkon së bashku biznesin, teknologjinë, udhëheqësit e inovacionit, marketerët, startup-et dhe geeks.

Ju mund të gjeni më shumë informacion në lidhje me konferencën në faqen zyrtare të Spark.me, në faqen në Facebook, Twitter dhe në llogarinë tonë në Instagram.